#قصة🤭 مرة رحت عند وحدة جارتنا...سبحان الله من دخلت الدار لقيت رااحة منقدرش نوصفها...حسيت بوحد الدفئ هكا ف قلبي داخل...الراحة راحتين...راحتي النفسية وزادتني الهدوء لي ف الدار...والله نحس الحطيان تاعها هوما لي هاديين...مفهمتوش قصدي🥺 مهم خلي نكملكم هههه ايا قعدت نحكي مع جارتي هادي كلامها حلو عسل...يعني من تدخل وتحكي معاها مكاش كلام بلا فايدة...يعني لازم تنصحك توصيك تنبهك ف امور الاخرة اكيد...ايا حكمتها ف قلبي قلت منحكيش...اما حبيت نعرف السر هدا يعني منين هادي الراحة لي نحس بيها...مهيش كيما اي دار عادية...جاني الفوضيل (فضول) مقدرتش نشد لساني...سقسيتها قلتلها على السر هدا...علبالكم واش قالتلي...علبالكم شاهو السر تاعها...لالا معلبالكمش 😌 خلاه غادي نقولكم...سرها هو قراءة سورة البقرة...سبحان الله ومش غير هي حتى مرت خوها تقرا فيها ف زوج مداومين عليها(هادي قصة خلاف تاع مرت خوها صدق اولا تصدق...قصتها تحمل معنى هذه الاية...ومن يتق الله يجعل له مخرجا ويرزقه من حيث لا يحتسب) ف حلقة قادمة ان شاء الله🤭 #العبرة...ادا تحوس على راحة بالك عندك سورة البقرة ف دارك وبين يديك وباطل😊الدار لي تتقرا فيها سورة البقرة الشيطان ينفر منها الرسول قال لا تجعلوا بيوتكم قبورا... يعني المنزل لي متكونش فيه قراءة القران راه كيفو كيف لقبر🥺سورة البقرة خير وبركة...ليك انت ول عايلتك لهذا متبخلش على نفسك وعليهم بعد حاب تهنى حاب تفرح حاب تبرا من مرضك حاب انو باذن الله ربي سبحانو يوفقك ف حياتك ويسرلك كل امورك يحققلك الحاجة لي ف قلبك تشوفها مستحيلة اقرا سورة البقرة اسيدي ياااو انا مش لي هدرت...يكفي ويوفي انو الرسول صلى الله عليه وسلم انصحنا بيها... ياو قال فيهاااا خير وبركة ولا يستطيعها البطلة السحرةحتى لي عندو سحر العين المس والخ الخ من الامراض الروحية باذن الله الشفاء لانها رقية ف نفس الوقت تقراااا اعظم واطول سورة ف القرٱن الكريم #خويا واختي لا للبخل بارك الله فيكم هاهو خير بين يديكم متفرطوش فيه😭 #الله يحبك💎🌹