المساندة بتحصل بعدة طرق من أهمها :المساندة الوجدانية : حد يسمعك و يتعاطف معاك و يفهمك و يهديك و يطمنك فى اللحظات الصعبة المساندة العملية : حد بيساعدك فى المهام المطلوبة منك أو بيمشى لك فى مصلحة او يساعدك بفلوس أو مجهود المساندة بالمعلومات : حد بيديلك نصيحة مفيدة ليك او يدلك على سكة او طريقة او معلومة تساعدك فى تحقيق أهدافك المساندة التقديرية : حد بيوريلك الحلو الى جواك و يقدّر أفعالك الطيبة و يساعدك على بناء رؤيتك الايجابية لنفسك كلنا محتاجين هذه المساندة من الآخرين بس للأسف مصممين ان واحد بس الى يديلنا كل دا و نادر جدا لما تلاقى حد واحد ممكن يديك كل دا من الذكاء انك تعرف مين هيقدر يديك ايه و تعرف انت كمان قدراتك ايه ؟ و انت ممكن تعطى ايه من دول و لمين و امتى و ازاى ؟علشان تعتذر بلياقة و لباقة لما يطلب منك حاجة ما تقدرش عليها فالآخرون أيضا محتاجين دا منك #دعاء_راجح