😈😈😈اعترافات خطيرة من نرجسي عن وقت الخناق #مايسة_كمال ١/ لو زعلنا مع بعض هعملك gaslighting هشكك ان انتي اللي فهمتي غلط وانتي اللي شكلك عندك مشكلة ( هفقدك ثقتك باللي بيحصل واوهمك انك بتفهمي غلط)٢/ لو ما نفذتيش اللي طلبته هعملك صمت عقابي تفضلي تكلميني وما اردش تتصلي واشوف المكالمة واكنسل لحد ما تنهاري وتقدمي تنازالات منها الحاجة اللي اتخانقنا عشانها٣/ هفضل استفزك بشكل مش ملموس وكلمات غير مباشرة لحد ما تتنرفزي واحيانا تصوتي واقول للناس شوفوا بتعمل ايه ٤/ هقرب من اتنين تلاتة من عيلتك و هكسبهم في صفي وهشككهم فيكي لو فكرتي تشتكي مني٥/هتحسي وقت الخصام ان واحد تاني ولا كأنك تعرفيني او بينا عيش وملح ( جحود/غدر/ عدم الاحساس بيكي مهما تعملي )٦/هبقى كريم ودمي خفيف وبهزر مع الناس اللي بينا عشان لما تشتكي من نكدي يقولولك ده كان لسه اخر مرة معانا بيهزر وكويس على فكرة انتي اللي مش عارفة تتعاملي معاه٧/ لو فكرتي تشتكيني لحد هعملك تشوية سمعة وهقلب الموقف لصالحي٨/ لو قعدتيني حتى مع مختص نفسي هعرف اخدعه وامثل عليه ان انا طيب وانتي اللي عصبيه عشان نطلع من عند المختص انتي اللي غلطانة وانا طيب وغلبان وهرجع احكي ل اهلك واهلي عشان يعرفوا انا تعبان معاكي أد ايه حتى المختص النفسي قال ان انتي المشكلة( الناس كلها بالنسبالي هعرف اخدعها حتى لو مختص نفسي خصوصا لو مش شاطر)٩/ لو قعدتيني مع شيخ هختار شيخ من فكر معين توجهاته كلها حقوق الراجل عشان يقعد يكلمك عن فضل الزوج ولو جيتي تعترضي بعدها هقولك ( حرام عليكي حتى الشيخ روحناله هعملك ايه تاني)١٠/ بعد الخناق هرجع اصالحك بالشكل اللي يرفعك لأعلى سماء هعملك رابطة الصدمة ( بعد خناق حب وود وملاك بيتكلم ) لازم تفقدي صوابك معايا وماتعرفيش انا وحش ولا كويس وتفضلي شاكة في نفسك١١/ عمري ما هعترف اني غلطان عشان ماتعشميش نفسك انك في مرة تسمعي مني كلمة اسف ده ااذا ماخلتكيش انتي اللي تحسي بالذنب وانك بسببك انا وصلت لكده ١٢/ ساعات كتير هوصلك نفسيا انك تتعلقي بالخناق عشان تاخدي شوية ال hovering اللي بعده وتفضلي في نفس الدايرةهفضل بستمتع انك متعلقة تعلق مرضي بيا واتمنى ماتدوريش على حلول لفك تعلقك بيا 💪(ما لا يقوله النرجسي كتبته ليكم على هيئة اعترافات منه مجازا طبعا ) #اعترافات_خطيرة_من_نرجسي المقال بقلم مايسة كمال #بيدج محو الأمية الزوجية