مابحبش اتعامل مع الناس اللي بتمسكلك على كل كلمة تقولها بتلقائية وأمان و تفسرها غلط ع مزاجها ، وتلاقي نفسك بتتعامل معاهم بالشوكة والسكينة.. وتعمل ألف حساب لكل كلمة بتقولها قدامهم، ومركز في تعبيراتك، وحركاتك، ولبسك، وردود افعالكوتلاقيهم فاكرينلك جملة من سنتين في حين انت ناسي أكلت ايه الصبح أصلا... وممكن تلاقيهم مسجلينلك سكرين شوت أو ريكوردينج لمحادثة ليكم سوا تستشهد بيها لو غلِطتبصراحة الناس دي مابحبهاش، ولا بحب تكون موجودة في حياتيوبسطّح علاقتي بيهم جدا لو مضطر اتعامل معاهم... وهتلاقيني طول ماهما موجودين بسمع اكتر ما بتكلم. بعشق الناس التلقائية، واللي بتتعامل ببساطة، كلامها عفوي (بس مش دبش)، لبسها بسيط، مش معقدين، بيدّوك أكتر ما ياخدوا، اللي مش بوشّين، واللي بيتعاملو بفطرتهم، وبينسوا بسرعة، ومش بينافقوك حتى لو ليهم مصلحة عندكبصراحة الحياة مش مستحملة ناس (مكلكعة)... #منقول