مبقتش مصدق إن في حاجة مُسَلم بيها أسمها العشرة والسنين والعيش والملح...بس بقيت مقتنع بتصنيف بسيط إن فيه شخص "أصيل"وشخص "قليل أو عديم الأصل" الشخص الأصيل هو شخص بيطمر فيه المعروف بيصون العيش والملح، بيعمل حساب للأخوة والعشرة ، بيطمر فيه الحاجة البسيطة والكلمة الطيبة حتى لو معرفتك بيه يوم واحد.الشخص "عديم الأصل" أقسم بالله ممكن جدًا جدًا يكون من أقرب الناس ليك، اللي بتكون قدمتلهم وقتك وأيامك وصحتك وكنت بتبديهم على نفسك كتير أوي، وبتدافع عنهم ومش بتقبل كلمة وحشة في حقهم وبتسندهم وقت ما يحتاجوك وقبل ما يحتاجوك كمان، أشخاص على مدى سنين طويلة من التضحية ما بيطمرش فيهم اي حاجة، ومش بس كده لاء يبدأوا يجوا عليك عشان عارفين إنك هتسكت كالعادة، لاء والأسوأ من كده يبدأوا يتكلموا عنك ويغلطوا فيك عشان يطلعوا نفسهم من اي موقف. العيش والملح مكانهم في المطبخ مش مع الناس .