اا حودا اا

مفيش اي ضامن لبقاء العلاقات غير توفيق ربنا - عزوجل- ورضاه ، ولا تقولي عشره وسنين وعمر عشناه مع بعض ولا تقولي عيش وملح ولا تقولي اسرار ولا صحاب ولا اخوات ولا دخلنا بيوت بعض ولا بينا مصالح ولا نسايب ولا قرايب ..فأدعي ربنا دايما انه يديم علاقتك بالناس الي تستاهل تكون حواليك ، ويبعد عنا خبثاء النوايا ومتقلبي الود وخائنين العشره في لحظه بعد.

"انا ابيع العالم كله، واشتري حد عنده سلام نفسي، حد متصالح مع اخطائي واخطائه واخطائنا كلنا، حد مهما يحصل شايف انه حصل خير، وان طول ما احنا تمام هنحل اي حاجه، نتخانق عشان كل الناس بتتخانق،بس واحنا بنتخانق عارفين ان الخناقة دي في كل الاحوال هتخلص،الحياه صعبة.. فلو في حد هيصعبها عليك اكتر.. امشي!ولو في حد هيهونها عليك.. بيع العالم كله واشتريه..!"

المفزع إن إخوة سيدنا يوسف كان عندهم مبررات للي عملوه ، يعني مكنش شر أعمى ، كان شر مغلف بمبررات خيرية، "اقْتُلُوا يُوسُفَ أَوِ اطْرَحُوهُ أَرْضًا " ليه يا جماعة ؟ "يَخْلُ لَكُمْ وَجْهُ أَبِيكُمْ وَتَكُونُوا مِن بَعْدِهِ قَوْمًا صَالِحِينَ" تخيل ان الهدف من قتلهم لأخوهم ، كان الصلاح..الضلال أشد وطأة من الشر المطلق ، عشان كدا بنستعيذ في كل صلاة من صراط "الْمَغْضُوبِ عَلَيْهِمْ وَلَا الضَّالِّينَ" عشان الشرير اختار سكة الشر قصاد سكة الخير ، انما الضال ماشي في سكة الشر وهو فاكر انها سكة الخير.." قُلْ هَلْ نُنَبِّئُكُم بِالْأَخْسَرِينَ أَعْمَالاً ؟ الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا "

بنفس راضية الواحد بقا متقبل فكرة ان مالوش نصيب في أشياء معينه في الدنيا ، مهما سعي ليها و مهما حاول انه يتمسك او يوصل ليها ، لكن هي مقفوله من كل الجوانب و بعد كل المحاولات ، ف اللحظه دي انت لازم تدرك انه خلاص مبقاش ينفع و ان كده مالكش فيها نصيب ، وان اكيد ربنا بيعوض في حاجات تانيه كتير و هيفتح طرق تانيه للعوض ، وان طرق وعوض ربنا مفيش اجمل منهم .فليشهد الله اني رضيت في وقت لم يكن فيه الرضا سهلاً .