"رصيدك يسمح"الجملة دي قالهالي صديق ليا بعد ما شكرته على خدمة طلبتها منه وعملها.. الحقيقة هي في البداية عدت عليا مرور الكرام.. لكن لما ركزت شوية وفكرت فيها اكتشفت ان كل حاجة في حياتنا ليها رصيد.. الناس ليهم رصيد، صحابنا وأهلنا وحبايبنا ليهم رصيد، وعلى حسب رصيد كل واحد بتكون الغلاوةاللي فكرت فيه كمان إن ناس كتير أوي بتنسالك رصيدك اللي يسمح..- يسمح إنك تغلط في شغلك وتعدي، عشان رصيدك من النجاح يسمح- يسمح إنك تاخد فترة ترتاح فيها، عشان رصيدك من التعب يسمح- يسمح إنك تسكت وقت ماتحب، عشان رصيدك من الكلام والمناهدة يسمح- يسمح إنك تقطع علاقتك باللي بياذوك، عشان رصيدك من الصبر والمسامحة يسمح- يسمح إن الدنيا تضحكلك وحياتك تستقر وتعيش في سلام، عشان رصيدك من القلق والتعب يسمح..