أعتقد ان نسب الطلاق المرعبة اللي بنشوفها حوالينا دلوقتي أساسها ان ما فيش توعيه وما فيش إدراك لأسس الزواج اإحنا بنُقدم على الخطوة دي من غير ما يبقى عندنا إدراك أو وعي لمتطلبات المرحله دى إحنا بس بنتجوز عشان الناس كلها بتتجوز مش أكثر من كده ولما نقع في أي مشكله تقابلنا مهما كانت بسيطه أسهل حاجه دلوقتي بتتقال كلمه الطلاق بعد ما كانت بعبع ما نقدرش حتى نقوله في البيوت أو حتى بينا وبين نفسنا إلى جانب طبعا المنصات والمواقع والبرامج اللي بتشجع على الطلاق وبتبين للاسف للناس صوره غير واقعيه وإن حياتك هتبقى افضل بعد كده وتحققي ذاتك وتشوفي كاريرك وهتبقي ليكي شخصيه الكلام ده يا جماعه غير واقعي بالمره مش موجود في المجتمع بتاعنا بغض النظر مين اللي غلطان الراجل أو ست أنا مش بغلط حد فيهم ولكن بقول ان الطلاق يكون آخر قراراتنا يكون إحنا خلاص طرقنا كل الأبواب وأخذنا بكل السُبل وخلاص ما فيش طريق ثاني غير ده بدليل أنه مباح ولكنه ابغض الحلال فربنا يسلم بيوتنا جميعاً دكتوره/صبرين السكري #طلااق #إنفصال #علاقات