هنا و دلوقتي..👌👌👌مافيش سجن بيبهدل صاحبه، ويعذبه، وماينيمهوش الليل.. زى سجن «خايف من بكرة».. ومافيش زنزانة ضيقة ومظلمة وموحشة.. زى زنزانة «زعلان على امبارح». الندم على فات.. أو الرعب مما هو قادم.. يعني واحد غرقان فى امبارح ومش قادر يفلت من شباكه.. أو واحد مشنوق من بكرة ومش عارف يفك حبل المشنقة..ده متشعبط فى علاقة قديمة.. أو زعلان على فشل سابق.. أو ندمان على فرصة ضائعة.. وده خايف من فقد الموجود.. أو ضياع المحسوب.. أو خسارة المُكتَسب.ولا ده عايش.. ولا ده عايش..لا.. فى الحقيقة.. هما الاتنين عايشين.. بس مافيش حد فيهم على قيد الحياة..الاتنين بياكلوا ويشربوا ويتنفسوا.. بس محدش فيهم حاسس بطعم الأكل أو الشرب أو النفس.ده عايش فى حزن.. وده عايش فى هم.. والاتنين عايشين فى غم..يعنى واقع الحال.. إن الانشغال بامبارح وببكره.. بيضيع علينا النهاردة.. بيضيع علينا فرحة النهاردة.. خوفا من حزن (قد) يأتى بكرة.. بيحرمنا من حب النهاردة.. تعلقا بحب امبارح.. بيخطف مننا جمال النهاردة.. فجأة وبدون انذار..مش بس كده.ده الانشغال بدقيقة فاتت.. أو دقيقة جاية.. بيضيع علينا الدقيقة اللى احنا فيها حاليا.. والانشغال بلحظة فاتت.. أو لحظة جاية.. بيحرمنا من هنا ودلوقت.احنا فى الحقيقة لا نملك فى حياتنا غير (هنا ودلوقت).. مافيش فى ايدينا غير اللحظة دى، فى المكان ده..اللى فات انتهى.. حتى لو كان ساب أثر أو كدمة أو جرح.واللى جاى.. ما زال بإيد ربنا.. مانعرفش هانشوفه أصلا واللا لأ.مافيش غير (هنا ودلوقت)..كل حياتك مُركّزة فى هذه الثانية.. اللى هاتروح ومش هاترجع تانى..يعنى مانفتكرش اللى فات يا دكتور؟لا طبعا نفتكره.. بس نتعلم منه.. من غير ما نسجن نفسنا فيه..يعنى مانعملش حساب اللى جاى؟مين قال كده؟ نعمل حسابه طبعا.. ونخطط له.. بس برضه.. من غير مانسجن نفسنا فيه.. #زواج _وأسرة #إستشارات #طبيب
في الحياة، الناس بتتعلم وبتطور بإستمرار، وده حاجة طبيعية. كل مرة بنمر بتجربة جديدة أو نواجه مشكلة، بنتعلم منها وبنتغير من خلالها. مواقفنا وتفكيرنا بيتغير مع الوقت، وبنعتمد آراء جديدة أو نغير معتقداتنا بناءً على اللي بنتعلمه واللي بنشوفه من حولنا (والمقصود هنا المعتقدات المغلوطة اللى بتكون إما نتيجة تنشئة معينه.....او عدم معرفة) التغيير مش شيء سيء، بل هو جزء من حياتنا. لو الواحد مصمم على نفس الافكار من غير ما يكون عنده مرونه وتقبُل للتغيير ممكن يضيع على نفسه فرص كتيرة وممكن يتعسر في التأقلم مع التغييرات في العالم من حوله. فمن الطبيعي والصح أننا نعترف بأهمية التغيير ونكون مستعدين نتأقلم معه بدون مقاومة.ملحوظة (المقصود هنا مرونه الافكار الغلط واللى ينفع تتغير .. مش تجزئة وتغيير المباديء اللى صح أصلا) #علاقات_زوجية #نفساتيات #إستشارات
نسخ الرابط
لما الدنيا تضغطك بشكل أكبر من قدرتك على التحمل... لما مشاعرك تحتقن وتحول بينك وبين مناجاة ربك.. لما تحس انها ضاقت اوي اوي واستحكمت... افتكر إنها باذن الله هتفرجمش في كل وقت لازم تعمل حاجةمش في كل وقت هتعرف تتصرفولا هتعرف تفكرولا تقول الكلام زى لازم يتقالولا هيرضى عنك حدانت انسانوفيك ضعفسيب ايدك .. ربك بيمسك جناح الطير أن يقع من السماء هيسيبك في عز ضعفك وانت كنت ملازم بابه بتضرع؟وصلت للسكوت؟وصلت للحظة... كفاية؟سيب ايدك خالص... وربك مطلع عليكيعلم ما بكيرى اللي محدش قاريه جواكصدقني هيدبر لك امرك وينجيك من ضيق نفسكبس متكرهش نفسكمتصدقش انك وحش عشان بتتعب وتضعف لان لو صدقت انك وحش.. هتفتح للشيطان باب يدخل عليك بخيله ورجله ويقلب حالك إلى الظلماتوقت احتراقك النفسيسيب ايدكواختار أخف الضررين في انك تقضي وقتك بدون اختيارات تندم عليهاواصبر وما صبرك إلا اللهإن مع العسر يسر 🤍 #منقول #روشته في خمسه #ونسعى
نسخ الرابط
جزء كبير من أمان الست إنها تحس أن هي في أولويات جوزها 💥انها تكون شايفه قد إيه هي غاليه عليه ومقبوله عنده دي طبيعتها ربنا خلقها كده ..ممكن حضرتك تكون مطحون ليل ونهار عشانها برده🌞🌛 بس هي حاسه انك بعيد وده مش تقليل من دورك ولكن تفكيرها بيصور لها إنك لو انشغلت عنها تبدأ تخاف على غلاوتها عندك وتبدأ الأرض 🌍🌍اللي كانت واقفه عليها تتهز وتخوفها وتبدأ الافكار والوساوس تاخدها يمين وشمال خلي بالك كل ده عشان بتحبك ومش عايزه تقل في غلاوتها عندك 👌👌👌في الوقت ده عشان تتخطى المطب والمرحله دي طمنها عشان تريحها هي بس محتاجه منك تطمن بس خلي بالك طمنها بطريقتها واحتياجاتها مش بطريقتك انت يعني الكلمه الحلوه... الطبطبه... انك تساعدها حتى لو في حاجه بسيطهدي عندها أغلى من كنوز الدنيا هي ربنا خلقها كده يا اخي أولوياتها وإحتياجاتها غيرك خالص 👌طمنها عشان ترتاح وتريحها وترتاح انتوا الاتنين👫 #طمنها #إستشارات #روشته في خمسه
نسخ الرابط