السلام عليكم ورحمة الله وبركاته ازيكم عاملين ايه يا رب تكونو بخير أولا كدا كلنا محتاجين نستغل فترة الأجازة كويس عشان نطلع منها واحنا راضيين بيها عن نفسنا وفي نفس الوقت برده هتبقى فترة راحة لينا كلنا مش هحتاج منك غير ٤ ساعات بالكتير في اليوم هتشتغل فيها على نفسك وأنا هساعدك تطور من نفسك فيها إن شاء الله القناة دي هتكون عن تطوير ذاتك في الأجازة هنخرج منها بإذن الله واحنا محققين إن شاء الله حاجات أساسية في حياتنا وهنلتزم بيها وهي كالتالي : 1️⃣ الصلاة : لازم تصلي الفروض في وقتها ودا هنبه عليه بعد كل صلاة بإذن الله وهنقول أهمية الصلاة في بوست لوحده وقد ايه هي زي الأكل والشرب والنفس في أهميتها هنضيف عليها السنن الرواتب ودي برده هنتكلم في بوست تاني عن أهميتها 2️⃣ ورد الأذكار صباحا ومساء ودي هبعتها كل يوم الصبح والعصر ولما نوصل لمستوى متقدم في الأذكار هنحافظ على أذاكر تانية زي أذكار ما قبل وبعد الصلاة وغيرها 3️⃣ ورد القرآن : قراءة جزء كل يوم من القرآن بحيث نختم ختمة في الشهر 4️⃣ ورد السماع أو مقطع الشحن القلبي اليومي والجزء دا هنسمع فيه سلاسل دينية كتيرة ومتنوعة واللي حابب يسمع سلاسل معينة ممكن يشاركنا بيها و أنا هضيفها لسلاسل الشهر 5️⃣ ورد القراءة الحرة : قراءة كتابين في الشهر كحد أدنى ودا هنقرؤه كلنا بحيث نتثقف ونوعى نفسنا لأن القراءة ضرورة وليست مجرد هواية 6️⃣ ورد التطوير : ودا جزء هنتعلم فيه مهارات جديدة ودورات تنمية وتطوير للذات ودا من خلال الكورسات المقدمة من منصات زي إدراك وكورسيرا ويوديمي وفرصة ورواق وإيديكس وغيرهم كتير بس هحددلك بس اللي هنتعلمه من خلال الشهر دا والشهر الجاي له خطة لواحده بس بشكل عام كدا المهارة اللي حابة أشارككم بيها هي مهارة كتابة المحتوى لأن كل إنسان فينا جواه كنز محتاج يعبر عنه بطريقته الخاصة ودا مش هيتم غير من خلال كتاباتك وإبداعك في الكتابة ومش بس مهارة هتتعلمها وخلاص دا انت كمان ممكن تكسب فلوس من خلال قدرتك على الإبداع فيها ودا برده هنزله في بوست لوحده ومش هسيبك كدا لا دا أنا هقولك على شوية مصادر تقدر من خلالها تتعلم مهارة كتابة المحتوى ⭕️ اللي مطلوب منك الآتي :✔️ تجيب ورقة وقلم وتكتب اللي احنا قولناه فوق بحيث تعرف احنا هنعمل ايه في خلال خطة الشهر ✔️ سيب التخطيط كله عليا وما عليك سوى التنفيذ فقط ✔️هتكتب المهام اللي هقولك عليها في نهاية كل يوم أو في بداية اليوم بحيث تكون عارف هتعمل ايه في يومك وتعلم قدامه بعلامة صح ودا هيحسسك بالرضا عن نفسك ✔️ تتابع كل يوم الحاجات اللي هنزلها على القناة وتدونها عندك وتبدأ تعملها كل يوم وبس كدا دمتم في أمان الله.لينك الكامب للي عاوز ينضم https://t.me/holidaycamp
#وعي كل إما تفكر إنه في شئ مستحيل بالحياة...تذكر إنه سبونج بوب ولع نار تحت المياه
نسخ الرابط