#قصه إمبارح إتأخرت شوية في الشغل ، تليفوني فصل شحن و عشان الليلة تكمل الشاحن بتاعي باظ ، لما روحت لقيت آدم لسه في أوضته من الصبح ، حاجة غريبة ،هو متعود يخرج يروح شغله ف الميعاد ده ، خبطت عليه كذا مرة لكن ملقيتش أي رد ، آدم عمره ما قفل باب أوضته حتي لو كان برا ، أول مرة يعملها !!طبعًا معرفتش آخد الشاحن بتاعه ، الصبح بدري صحيت و رحت شغلي ، إشتريت شاحن في الطريق و حطيت تليفوني في الشاحن و فتحته ، لما إتفتح لقيت كمية رسايل كتير من آدم و كلها إتبعتت بالليل ، في الوقت اللي الباب كان مقفول فيه عليه !10:12 مساءًبص أنا معنديش وقت ، لازم أخرج عشان أروح الشغل حالًا ، أنا فين أصلًا ، أنا كنت نايم في أوضتي و دي مش أوضتي ، جاريت لو ده مقلب فهو مقلب سخيف ، خرجني حالًا التليفون فيه 20 % شحن بس و هيفصل !10:15 مساءًخلاص إنت الكسبان ، ممكن بقي توقف الأصوات الغريبة اللي برا دي ! ، إنت إزاي عملت الصوت ده أصلًا ؟؟ ، زي ما يكون فيل بيتعذب و بيصرخ بجنون ، كمية الأصوات الغريبة اللي برا دي مستحيل تكون بتعملها لوحدك ، مين معاك ؟؟ ، ماكس ، خرجوني من هنا !10:25 مساءًجاريت ،إفتح الباب10:27 مساءًجاريت ، إفتح الباب اللعين ده حالًا !10:30 مساءًعشان خاطري ، إفتح الباب ، لو سمحت ، أنا خايف أوي و حاسس إني هعيط ، أنا خايف ، مرعوب و الله ! ، أول مرة أحس بالخوف ده كله ، الجو هنا حر أوي ، خرجني و النبي !10:32 مساءًمين اللي ضحك الضحكة المرعبة دي ؟ ، أنا عارف صوتك و ضحكتك ، دي مش ضحكتك و مش ضحكة ماكس صاحينا برضه ، مين معاك برا !11:20 مساءًمش ممكن تكون إنت ، أنا متأكد ، الباب إتفتح من شوية ، دخل عليا راجل عريان لابس قناع مرعب ، جسمه متقطع و محروق ، شكل جسمه غريب ، ده ... ده مش بشري ، مش ممكن ! ، أنت فين ؟11:22 مساءًأنا آسف إني فكرت إن إنت اللي عامل فيا مقلب ، إنت فين إلحقني !!!11:45 مساءًجاريت ، عشان خاطري ، رد عليا ، أنا خايف !12:15 مساءًفيه نور برتقاني جايلي من ورا الباب ، أنا شاكك إنها نار ، جاريت الدنيا حر و أنا خايف أوي من الأصوات اللي سامعها دي 12:20 مساءًجاريت ده بسبب صاحبتك ؟ ، إنت بتعمل فيا كده بسببها ، مش عاوز تساعدني عشان كده ؟ ، جاريت أنا آسف هي اللي قالتلي عاوزة تجرب الهيروين ، أنا إشتريتهولها بس و هي اللي خدت منه جرعة زيادة ، إنت عارف إني مبشربش أي حاجة من دي ، هي اللي كانت عاوزة تجربه ، أنا آسف12:22 مساءًأنا آسف إنها ماتت من الجرعة الزيادة بس أنا مالي ، متسيبنيش هنا و النبي ، أنا مرعوب و خايف ، أنا مستاهلش كده ، مفيش مخلوق يستاهل الرعب ده ، تعالي إلحقني !1:15 صباحًافاضل 2% بس في التليفون ، إتصرف و إنقذني ، أنا خايف أوي ... أوي1:20 صباحًاالراجل المقنع دخل و قالي بصوت مرعب إن دوري جه ، قالي أستعد ، أنا خايف ، دوري في إيه 1:21 صباحًاجاريت ، إنقذني !لما قريت كل الرسايل دي الدنيا لفت بيا ، أول مرة أعرف إنه السبب في موت حبيبتي لكن الأهم دلوقت إيه اللي حصله ، رجعت البيت فورًا ، دخلت من باب الشقة علي باب أوضته ، خد مني تقريبًا 3 ضربات بكتفي لحد ما إتفتح ، لقيته ميت جوا و علي وشه أعتي علامات الرعب ، رعب حد مات و هو شايف شيء مش طبيعي ، المسعفين قالولي إنهم أول مرة يشوفوا الرعب ده علي وش واحد ميت ، الطب الشرعي قال إنه مات بسكتة قلبية ، و حدد ميعاد الوفاة الساعة 10 مساءً ! ، قبل الرسايل ما تبدأ بربع ساعة الغريبة إن محدش لقي تليفونه خالص ، الشركة حاولت تتبعه لكن فشلت ، كل محاولات معرفة مكانه فشلت ، التليفون مكانه مش معروف علي الإطلاق لحد دلوقت !! #مرعب 😈
استكشف محتوى ممتع ومشوق
انضم لأكبر تجمع للمجتمعات العربية على الإنترنت واستكشف محتوى يناسب اهتماماتك
نسخ الرابط