عمو كتوم

هذا الموضوع ما حدا بقدر يفتي فيه زي عمكم كتوم، بصفتي مُدّرس متقاعد ومش خايف من حدا أحكي كلمة الحق، فاسمعوني.موضوع الثانوية العامة في دولنا العربية تعبان لإنو مصير الطالب كله بيكون معلّق ع هالسنة، يعني بيكون ناجح وما شاء الله عليه، ولو صارت معه ظروف معينة وما زبّط في هالسنة الحاسمة بيكون خرّب مستقبله وتحطم نفسيًا، لذلك أنا مش مع هذا النظام خالص وبقترح، عشان ما حدا يقول كتوم بس بيحب يحكي بدون ما يقدم نصائح، بقول: الثانوية العامة مش لازم تكون سنة، لازم تتقسم ع الثلاث سنوات الثانوي ويكون في مجموع عام لجهد الطلاب في السنوات الثلاثة عشان يقدروا يعطوا مستقبهم بقلب ورب.بس مين يسمع ؟