و أنتِ تلتقطين أنفاسكِ أشعرُ بكِ هذا الإحساس جداً غريب !!لا تخافي لا تخافي فأنا محصنٌ عن الغياب !وعندما تقولين أُحبكَ لن أتردد في أن أهديكِ أًعطيكِ في تقدير الحبِ عشر قبلات خمسٌ في اليدِ حائرات واثنتان على الجبين كطفلةٍ مجتهدةٍ في مدرسة الحب واثنتان على الكتفين .. كسيدةِ النظام ..في قلبكِ لتحبسيني !!و قبلةٌ وحيدةٌ طليقة أين هي ؟؟ لا تسأليني .. لن أقول 🙈😊 #أناقة_خواطر ✍✏
جملة " أنا جنبك " اللي حتى لو اتقالت فـ شات من شخص بينك وبينه مسافة كبيرة جدا، بس بردو بتفرق وبتحسسك إنك مش بتحارب لوحدك..❤جبر الخواطر مش بفلوس، مش صعب، مش مكلف، مش مرهق، بس بيفرق بشكل إيجابي كتير أوي، واللي بيعطي بيتبسط أكتر من اللي محتاج الكلمة الطيبة.. ;) ❤جبر الخواطر سلوك الطيبين، اللي اختاروا يبقوا طيبين عن اختيار مش عن ضعف.. :)جبر الخواطر على الله، لو بِخل بيه بعض البشر ❤💙 #ارتـــقـواااا 👍👍 #أناقة_خواطر ✍✏
احنا كبشر ساعات لما بندعي ربنا بحاجة و نلّح عليها و متتحققش بنزعل و نفتكر ان دعائنا مش مستجاب و نلاقي الشيطان دخلنا من مداخل كتير اننا لوحدنا و فين الاستجابة و فين " فإني قريب " استغفر الله العظيم ؛ الشيطان بتكون ليه مداخل كتير بيلعب فيها علي ضعفنا و طبيعتنا الانسانية بالاستعجالعن أبي هريرة ـ رضي الله عنه، قال: قال رسول الله صلى الله عليه وسلم: ما من رجل يدعو الله بدعاء إلا استجيب له، فإما أن يعجل في الدنيا، وإما أن يدخر له في الآخرة، وإما أن يكفر عنه من ذنوبه بقدر ما دعا، ما لم يدع بإثم أو قطيعة رحم أو يستعجل، قالوا: يا رسول الله؛ وكيف يستعجل؟ قال: يقول: دعوت ربي فما استجاب لي.يعني كده كده ربنا سامع دعائك و فعلاً دعائك كان ليه رد فعل الهي اما : - بالاستجابة فيحصل اللي عايزه في الدنيا- انه يُدّخر للآخرة - تكفير للذنوب بقدر دعائكبس كل ده مرهون بشرط وحيد " عدم الاستعجال؛ دعوت ربي فما استجاب لي" احنا كبشر عندنا توقيت خاص بينا؛ فاكرين ان الحاجة اللي عايزينها لو اتحققت دلوقتي ده هيكون احسن سيناريو لينا و بننسي ان التوقيت الالهي احسن لنا بكل المقاييس ؛ و ممكن نعرف ده بمرور الايام ؛ يعني ياما كان نفسنا في حاجة و لما اتأخرت او مجتش تيقنّا ان حدوثها كان شر و لولا ستر ربنا و حكمته في تأخيرها او منعها كان هيحصلنا ضرر او أذي ! ادعو ربنا و تيقنوا انه سامعكم ... تيقنوا انكم متكلين علي الحي الذي لا يموت... السميع الخبير ، اللي عارف كل اللي جواك و سامعك و فاهمك من غير ما تتكلم ...ادعوا و تيقنوا ان دعائك مش رايح علي الفاضي ، اول ما تتيقن ان ربنا سامعك و هيستجيب هترتاح نفسياً و هتعرف ان ده الخير سواء استجابلك او اتأجل للآخرة او كفّرت بيه عن ذنوبك ...ربنا اقرب من انك تدعيله و تظن انه مش سامعك.."وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (186)" #أناقة_خواطر ✍✏
بمناسبة الجو اللي إحنا فيه .. إيه رأيك أقولك معلومه عن الرياح .. وبسبب المعلومه دي تقريبًا إتغير مسار حياتي ؟شُكرًا إنك كملت قرايه .. الاول خلينا نقول إن في فرق كبير بين الرياح وبين الريح ..الرياح هي اللي بتيجي بالخير وتكون هاديه ومفهاش شر ..أما الريح هي الهوا الشديد الصعب اللي يقلع الشجر من جذوره ويدمر كل شيئ من قوته ..تلاقي ربنا يقولك علي عقاب الكفار في القرآن : فَأَرْسَلْنَا عَلَيْهِمْ رِيحًا صَرْصَرًا فِي أَيَّامٍ نَّحِسَاتٍ .. ربنا بعتلهم في ايام نحس عليهم رياح دمرتهم وقلعت خيامهم والشجر ودمرتهم ..لكن لما يجي سيرة الرياح يقولك " وجعلنا الرياح لواقح " الرياح بتخلي الشجر و النخل يلمس بعضه فيحصل تلقيح فتطرح بلح وتجلب الخير والبركه علي اصحابها ..إذا الرياح خير .. والريح شر وعقاب من ربنا .. فديمًا ندعي ربنا لما يجي شوية هوا إنها تبقي خير متبقاش شر ..طيب إيه علاقة الريح بتغيير مسار حياتي ؟لما كنت في اعداديه المُدرس بتاع الدراسات كان ديمًا يحكي ربع ساعه بعد الحصه عن اي موضوع ممكن يحكي عن الحرب العالميه .. يحكي في الدين .. اللي يجي في باله .. المهم انه اتكلم عن غزوة الخندق " الاجزاب " .. وبدأ يوصفلنا خوف الصحابه من الغزوه وضعفهم الشديد والجوع اللي هلك صحتهم .. لدرجة ان بطن النبي كانت تقريبًا لازقه في ضهره من قلة الاكل ورابط علي بطنه حجرين يمسكوا بطنه من الجوع ! 1600 صحابي حفروا في قلب الصخره خندق تقريبًا داير ميدور حوالين المدينه المنوره عُمق الخندق 5 متر وعرضه 6 متر ! مجهود رهيب حصل في 10 ايام تقريبًا قبل وصول الكُفار اللي كان عددهم 12 الف فارس وجندي ! .. يبدأ الجو يضلم .. الرياح بدأت تشتد .. الصحابه بيبصوا لبعض وخايفين وحسوا إنهم هيتهزموا .. المانع الوحيد بينهم وبين الكفار هو الخندق اللي حفروه وصعب إن اي فارس من المُشركين يتخطاه .. بدأ النبي يختار واحد من اصحابه يعدي الخندق ويروح يتجسس علي المُشركين ويشوفهم بيفكروا في ايه .. طبعًا الدُنيا ضلمه .. الريح شديده .. لدرجة إن خيام المُشركين إتخلعت ونارهم إنطفت والرمل غرقهم والخيول هاجت .. ريح صعبه جدًا .. خرج سيدنا حُذيفه بن اليمان يتجسس علي الكُفار .. لقي ابو سفيان ووقتها كان زعيم الكُفار قال لقادة الجيش يتجمعوا علشان هيقولهم امر خطير هيحدد فيه مصير المعكره .. طبعًا مفيش نار والعه ومحدش شايف كف إيده وسيدنا حذيفه جري وقعد جنبهم .. ابو سفيان كان ذكي .. قالهم محدش شايف كف ايه .. وخايف مُحمد يكون باعت جاسوس يسمع اخبارنا .. فكل واحد يتأكد من اللي جنبه قبل ما اقولكم علي اللي جوايا .. سيدنا حذيف إتخض ! لو عرفوا إني وسطهم هيقتلوني .. قام بدأ بالسؤال ومسك إيد الشخص اللي جنبه قال : من الرجل ؟! طبعًا لما تدخل خناقه وتضرب إنت اول قلم تلاقي اللي قدامك ياخد خطوه لورا .. لان افضل وسيله للدفاع عن نفسك هي الهجوم .. ;D .. فلما قال من الرجل ؟ رد اللي جنبه وقاله : انا عمرو بن العاص ;D .. وقال للي علي شماله من الرجل ؟ قاله : عكرمه بن ابي جهل ! ;D اذكي واقوي 2 في جيش المُشركين قدر بذكاءه يضحك عليهم ;D طبعًا بعد لما سيدنا عمرو اسلم وسيدنا عكرمه وعرفوا المقلب اللي حصل فيهم بقوا يضحكوا كل لما يفتكروا الموقف ويتعجبوا إزاي قدري يفلت منهم .. المهم بعد ما اتأكدوا ان مفيش حد غريب وسطهم .. ابو سفيان قالهم هقولكم امر يحدد مصير المعركه .. وقام المُدرس سكت ! مرضيش يكمل .. انا فضولي .. قولتله كمل يا استاذ ارجوك .. رفض .. كان بينه وبين بلدي 10 كيلو .. ركتبله عربيه وروحت بيته قولتله كملي يا استاذ القصه .. مرضيش .. تاني يوم قولتله قول يا استاذ ابو سفيان قال ايه ! برضه مرضيش يقولي .. قومت رايح جايب كتاب السيره وعرفت قصة حياة الرسول وعرفت ابو سفيان قالهم إيه .. لأ مُش هقولك ;D .. قالهم الرياح شديده والنار انطفت والحصار مفيش منه فايده وأنا هرجع مكه فإرحلوا معايا .. وفعلاً الكُفار كلهم رجعوا لبلادُهم .. وربنا نصر النبي بسبب الريح .. علشان كده في تكبيرات العيد تلاقيك تقول : وحده صدق وعده وأعز جُنده وحزم الأحزاب وحده .. ربنا اللي هزم الاحزاب بالرياح لأنها خلتهم يفُكوا الحصار ويسيبوا المعركه ! .. ف ربنا اللي نصر النبي في عز ضعفه بجُند من جنوده وهو الرياح ... قادر ينصرك ويقويك ويعينك علي كُل شر بجنوده الخفيفه .. ولعل باب السماء متوارب دلوقت وكُل دعوه تدعيها مقبوله وهتتحط في رف الدعوات المُستجابه .. إدعي .. لعل ربنا ينصرك بنصره ويفرجها عليك ويوفقك من عنده ويحتويك بكرمُه وبسعة فضله ☺☝️ #إجعلها_خير_يارب #أناقة_خواطر ✍✏
نسخ الرابط