أفضل 5 طرق لإصلاح علاقتك بالله اكيد يا صديقي كلنا بييجي علينا وقت ونقصر فى دراستنا بس مينفعش نقصر فى علاقتنا مع ربنا لأن هو الوحيد اللي هيحللك كل مشاكلك فلازم نبدأ نرجع علاقتنا مع ربنا زي زمان ونستغل آخر شهر فى السنة ونعمل كده. وطبعاً دى فرصتك فإنك تدخل السنة الجديدة وانت قريب من ربنا و بداية خير ليك والله. فى خمس نقاط هقولك نصائح لو طبقتها هترتاح وترجع زي زمان. 1-اول حاجه يا صديقي الصلاة اه والله الصلاة أول ركن من الإسلام فإن أقمتها أقمت سائر الدين ولا تنسي ما بيننا وبين الكفر هو الصلاة فمينفعش إن انا اكون مبصليش وعايز ربنا يوفقنى! انت فاااااهم يعني أي تسيب الصلاة وعشان تنتظم فيها إعمل لنفسك جدول زى جدول دروسك وكل ما تلاقي الأذان أذن أجري اتوضى وصلى وفى آخر يومك كافء نفسك بشوكلاته او مشروب مفضل وبكده هتنام مرتاح يكفي انك اصلحة اول طريق 2- الإبتعاد عن كل ما يغضب الله زى النظرات المحرمة او تضييع الوقت لا تنسي وعن شبابه فيما أفناه. وعشان تطبق ده خلى ليك صحبة تعينك وانتى كمان اقرب 5 اصحاب ليك هتكون افعالك نتيجتهم وهتطلع انت لانك مع التعود هتبقى زيهم فحاوط نفسك بصحبة صالحة وشجعوا بعض. 3-الصدقة يا عزيزي تصدق لو بجنيه واحد ولا تنسي أن الصدقة تطفئ غضب الرب ومن أحب الأعمال التصدق ولو بالقليل ولو معكش فلوس يعم مفيش مشكلة اسقي شخص أو حيوان ميه اهى سهلة ودى من أفضل الأعمال سقي الماء 4-طاعة الوالدين وبرهم وده من أهم الصفات اللي لازم تتوفر فينا ومتنساش ممكن بسبب دعوة وحدة من والديك تروح مكان مكنتش بتحلم بيه او تشتغل فى وظيفة كان نفسك فيها أو تحقق حلمك. طيب انا أهلى بيعاملونى صعب! ابدا انت باللين معاهم قرب لابوك وامك احكى معاهم وهزر هاتلهم اى حاجه حلوة وانت راجع البيت والله هيحنوا ويبقو زي العسل كمان. 5-ابدا اتعلم علم شرعي واعرف سيرة النبي عليه افضل الصلاة والسلام وهنا ارشحلك دورة السيرة لبشمهندس علاء حامد وهى لسه في بدايتها وقراءة ورد قرآن ده بيفتح لك يومك كده ويبقي فيه بركة . وطبعا متنساش يا صديقي إن لازم تحافظ على الأذكار دى الل هتحميك فى زمن كثر فيه الحسد والحقد.ابدا دلوقتى قوم اتوضاء وصلى ركعتين توبة مما فات والله إن الله ليفرح بتوبة أحدنا. طيب انا عملت ذنوب كتير ومعاصي؟قل يا عبادى الذين اسرفوا على انفسهم لا تقنطوا من رحمة الله إن الله يغفر الذنوب جميعا ً. يلا مستنى ايه عشان تصلى مستنى ايه عشان تقرب لربنا! هو صاحبك الفلاني وصاحبتك احسن منكم فى ايه عشان ينتظموا وانتم لا فى الختام اتمنى تكون استفدت متنساش تكتب لنا طرق كمان انت جربتها وساعدتك فى التقرب لله
تم نسخ الرابط بنجاح
نسخ الرابط