قائمة أفلامي المفضلة في 2018 🎥إيه فيلمكم المفضل خلال السنة؟
انطباعي عن فيلم At Eternity's Gate:• كنت متحمس جداً للفيلم من ساعة ما شفت التريلر وقرأت عن فان جوخ أكتر وحماسي زاد لما عرفت ان الفيلم هيحكي عن الفترة الأخيرة من حياته.(+) استخدام المخرج جوليان شنابيل لتقنية الكاميرا المتحركة والاهتزازية خلى المشاهد يحس انه قريب جداً من شخصية فان جوخ.(+) الاعتماد على الحوارات والصوت الداخلي له تأثير كبير وحلو على الفيلم، ودي حاجة المخرج شاطر فيها جداً وعملها قبل كده في فيلم The Butterfly and The Diving Bell.(+) استخدام الموسيقى كان رائع ومناسب.(+) طبعاً أداء Willem Dafoe في دور فان جوخ كان عظيم ويعتبر 99% من جمال الفيلم.(+) النص الأول تحديداً من الفيلم عظيم جداً ومتكامل.• الفيلم كان مقسم بشكل واضح لأجزاء وإن كان ده محصلش بشكل صريح، الجزء الأول كان عن علاقة فان جوخ بالطبيعة، الجزء التاني كان عن علاقته بجوجان ومدينة آرل، الجزء الثالث والرابع كانوا عن مشاكله الصحية والنفسية اللي أدت لموته في النهاية، وكل جزء من دول كان مركز أكتر عن مشاعر وأفكار فان جوخ في كل فترة من فترات آخر حياته.(-) بعد نص الفيلم تقريباً حسيت ان الفيلم بدأ يكرر نفسه ويركز بشكل زايد ومبالغ فيه على مشاعر فان جوخ الداخلية على حساب تصوير الأحداث المهمة في نهاية حياته.(-) كنت مستني من الفيلم مشاهد أكتر لفان جوخ في البيت الأصفر وايه اللي أدى بيه لانهياره العصبي وموته.• لو هحكم عن الفيلم من وجهة نظر المخرج ورؤيته للفيلم، فالفيلم يعتبر متكامل، لكن لو هحكم ع أساس تجربتي الشخصية فأنا كنت مستني أشوف أكتر من كده فالفيلم، لكن بشكل عام تحفظاتي عن الفيلم لا تقارن بمدى إعجابي بيه.4/5المراجعة كاملة باللغة الإنجليزية:https://m.facebook.com/story.php?story_fbid=118167435922291&id=100031871045605
رأيي في فيلم Velvet Buzzsaw (2019) :(+) القصة ذكية واللي عجبني أكتر إنها بسيطة(+) مشاهد الرعب فيها درجة عالية من الإتقان وتعتبر مشاهدي المفضلة فالفيلم(+) الأداءات التمثيلية بشكل عام كويسة(-) مشاهد الرعب مكنتش كافية وكنت أحب أشوف منها أكتر(-) كنت أتمنى أجواء الفيلم تكون مظلمة ومرعبة أكتر من كده بالذات إن الفيلم خد وقت طويل وملوش لزمة في تقديم القصة والقصص الفرعية3.5/5المراجعة كاملة باللغة الإنجليزية هتلاقوها هنا: https://m.facebook.com/story.php?story_fbid=117362816002753&id=100031871045605
في أخبار عن عمل Paul Schrader على مشروع فيلم western من بطولة Ethan Hawke و Willem Dafoe بعنوان "Nine Men From Now" يُذكر إن Hawke و Dafoe الاتنين اشتغلوا قبل كده مع Paul Schrader في أعمال سابقة، آخرهم الفيلم المرشح لأوسكار أفضل سيناريو أصلي First Reformed من بطولة إيثان هاوك.الخبر أسعدني طبعاً بسبب أني حبيت جداً فيلم First Reformed ويعتبر بالنسبة لي من أحسن الأفلام اللي شفتها ف آخر كام سنة وأتمنى المشروع ده ينتهي في أسرع وقت عشان نشوفه بسرعة 😃
My favorite performances of 2018:قائمتي لأكثر أدوار عجبتني في أفلام 2018:1- Ethan Hawke - First Reformed2- Kathryn Hahn & Paul Giamatti - Private Life3- Charlize Theron - Tully4- Michael Shannon - What They Had5- Claire Foy - Unsane6- Viggo Mortensen & Mahershala Ali - Green Bookالقائمة كاملة: https://m.facebook.com/story.php?story_fbid=114520309620337&id=100031871045605
نسخ الرابط