تانيه

أنا شخص بسيط، بسيط جداً، فـِ طريقة حُبي لِلناس وحتيَ لمّا حد يحبني بتمني يكون بيحبني بِطريقة بسيطة، أكتر حاجه بكرها الخناق، وبقدّس الهدوء فـِ علاقتي بِأي حد، لو فيه جبال مِن الزعل بيني وبين حد قُريب ليا وجِه إشتري خاطري بكلمة، بنسي وبعدي، مفيش وَقت لِلخصام ولا الخناق كُل شوية، إحنا جايين الدُنيا عشان نكون خُفاف عليَ بَعض، ونشيل عن بَعض مِش عشان حاجه تانية .")🤎🤎🤎🤎🤎🤎🤎🤎🤎🤎🤎🤎🤎🪴>>> .

تعرف إن جزء كبير من حسابنا يوم الدين هيكون على حاجه اسمها .."العنف الصامت" الإيذاء النفسي، الغل، الشغل من تحت لتحت، الخيانة، إضمار الشر، الحقد، سوء الظن، أو اللي ممكن نوصفه إجمالاً.... ما تخفي الصدور..!المفاجأة بقي إن ما تخفي الصدور من نوايا ومشاعر ربنا هيحاسب عليه كيفما يشاء سبحانه وهو العدل، وصدقني هو شئ مش هين..تخوّف منه الصحابة لما نزلت الآية الكريمة :(إِنْ تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُمْ بِهِ اللَّهُ)علشان كدا من أسباب النجاة يوم القيامة.. (يَوْمَ لَا يَنفَعُ مَالٌ وَلَا بَنُونَ إِلَّا مَنْ أَتَى اللَّهَ بِقَلْبٍ سَلِيمٍ)..القلب السليم لوحده سبب كافي للنجاة..وفي حين ناس أعمالها كجبال يجعلها الله هباءاً منثوراً بسبب فساد الصدور وفساد النوايا..وفي المقابل في ناس تانية هتدخل الجنة بنقاء قلوبها والعمل الصالح. ف اللهم ارزقني وإياكم القلب السليم.