ماتخليش

‏الحياه الهاديه حلوه جدا .. اتعلموا متردوش ، متركزوش ، متناقشوش ؟سيبوا اللي يتكلم يتكلم واللي يصدق يصدق ماتحاولوش تثبتوا مبادئكم علي غيركم اتعلموا تسكتوا يا جماعه ، الكل عارف الصح والغلط في مش عايزين وجع دماغ ؟خوفك من كلام الناس اللي ملهاش قيمه مش هيرفعك في عيونهم .. الناس لا هترضي ولا هتتفق عليك حتى ولو بقيت ملاك بجناحين .. اعمل الانسب والاريح بالنسبالك ، ومادام محدش بيأكلك ولا بيشربك ف خليك حر نفسك ، وماتخليش جهل حد بيك يغلب معرفتك بروحك..

مشكلة كبيرة انك تبقي ابن اصول ومتربي زيادة .. بتعمل كل حاجه بزيادة .. بتضحي بزيادة .. بتعمل اللي عليك وزيادة .. بتحب بزيادة .. بتتعشم بردو بزيادة .. وكل دة مش مطلوب ولا مستحب ف الزمن دة .. المفروض تدي علي قد ماتاخد .. ماتبذلش مجهود كبير وفوق طاقتك علي ناس مابتقدرش ولا حتي بتعرف تقول شكراً .. ولازم تبعد فوراً عن اي حاجه او حد يأذيك او يتعب نفسيتك .. وحط للناس حدود وحط لحياتك حدود ماتخليش حد يتعداها عشان تعيش مرتاح .. واتعلم ماتديش الناس اكبر من حجمها ولا تتوقع منهم يعملو معاك زي مانت بتعمل معاهم عشان ماتتخذلش ولا تتصدم .. لأن مش كل الناس متربية عالذوق والاصول والواجب 👌