جيش_الاسلام#
انفوا الضغائن عنكم وتواصلوا بصلاح ذات البين طول بقائكم 🌹حفظ الله الإخوة في #جيش_الإسلام
#ذكرى_مؤلمة :الأسى ما بينتسى .. في مثل هذا اليوم 30-6-2015 تعرضت للاعـــتـــقـــال من قبل فصيل عسكري يسمى #جيش_الاسلام ...في تمام الساعة الخامسة صباحاً تم اطلاق الرصاص على باب منزلنا و كسره و مداهمة المنزل و اعتقالي بطريقة مرعبة و مخيفة و مؤلمة ... اقتحمو المنزل و دقوا فيني و حطولي الكلبشات بايدي و الى الخلف و طمشولي عيوني بكنزتي و كانوا عم يضربوني خيرات الله و الضرب كان من أكثر من عشر عناصر و ما عم اعرف الضرب منين عم يجيني ..قائد حملة اعتقالي "ابو سفيان" شفتو بعيني الي اكلت بوكس عليها منو ،، و شلخوني من الضرب ،، و اعتقلوا ابي معي بشان يحرقولي قلبي اكتر ..اول ما وصلت على التوبة شلحوني ملابسي بالكامل و حركتين امان ،،، و بعدها حلقولي شعري على الصفر و شواربي .. و نقلولني على سحن الباطون و حطوني بزنزانة جماعية بس من الساعة 7 للساعة 11 و بهل الفترة هروني تحقيق و ضرب و ذل و اهانة ...الساعة 11 باليل فتخ باب الزنازنة انا خفت كتير و اذ بينده اسمي و بكلبشوني و بطمشوني و بياخدوني على سجن اسم الكهف و بحطوني بزنزانة منفردة طولها متر و عرضها نص متر و فيها بطة تواليت و سطل مي كيلة و هي الكيلة لازم اتشطف منها و اشرب منها مي ...صراحة انا بكيت كتير بفترة اعتقالي الي دامت ما يقارب 14 يوم و تميت 13 يوم منهم بهي المنفردة الي ما فيها لا ضو و لا تنفيسة هوا ..الله وكيلكم لما يفتحو باب الزنزانة بشان ياخدوني ع التحقيق افرح خيرات الله لانو يفوت هوا للزنزانة و انا صير اتنفس ..بكيت كتير و اتوجعت كتير و التحقيقات كانت حقيرة كتير و أحد التحقيقات كان مع قائد الجيش #زهران_علوش صار يقلي انتو بيت الخولي عددكم 5 الاف بني ادم انا تعداد جيشي 15 الف مقاتل بنبيدكم كلكم ما منخلي حدا فيكم و يسب و يعيط و ينكشني بس ما ضرب ،،، و اخر الشي قلي اقسم بالله بعلقك على المصلبة متل الدير و راسك بحطو بوز السيارة ... وقلي نحن انت جيش الاسلام مو جيش اللمةترتر كتير شي فهمتوا و شي لا و عيط كتير و سبني و هددني بالقتل و بصمني على شي 20 ورقة ما بعرف شو مكتوب فيهن و غص من عني بصموني عليهم ..بهل ال 14 يوم عملوا معي شي 50 تحقيق كل ما ارجع من التحقيق ابكي و قول ليش ما حدا عم يطالب فيني و يطالعوني معقول يقتلوني هون ،، الله وكيلكم دمرولي نفسيتي و لعنوا ابو نفسي من القرف و الزل و التعذيب و التحقيق و الاهانة ...بأخر يوم اعتقال طمشوني و كلبشوني و لحشوني بسيارة تكسي ما الها كرس ورا ،، و الطبون مفتوح للسيارة نصي بالطبون و نصي التاني بقلب السيارة و فتلوني شي ساعة بالسيارة و بعدي اخدوني لعند #زهران_علوش و بهدل فيني شوي و كتبني تعهد ان ما اشتغل بالاعلام مرة تانية و لا انشر شي بضر الامة و بضر الجيش و عطاني شوية مواعظ و حكم و انا عم قول حاضر و قلبي مقطوع رعبة ،، و طلعوني من السجن ،، بس ما رجعولي غير جزء من معداتي الاعلامية و لما قلتلن عليهن قال انت ما بطلت من الاعلام قلتلو مبلى قال خلص هدول راوحوا لبيت مال المسلمين ،، للوهلة الاولى حسيت حالي من الكفار و عطيتو ابتسامة خفيفة و رحت على البيت فرخان كتير انو افرجو عني مالي عرفانوشو صاير بالدنيا ...لما وصلت البيت اجا ناس كتيييير من مل الغوطة سلمو علي و هنوني بالطلعة و ورجوني الفيس بوك و السوشل ميديا و الناس و الصحفين و القنوات كيف مطالبة فيني ووقفت معي موقف نبيل و حلو ..وحياكم ربي بالمحيا و الله لا يعيد الأسى علينا و ربي يجمعنا فيكم عن قريب بقلب #الغوطة_الشرقية و هي ثورتنا منتصرة و من دون اي فصيل ...و #يعيش_الرئيس_علي_حسن_سلوكة ..
#جيش_الإسلام مؤسسة ثورية متكاملة لم يقتصر عملها على الجانب العسكري بل تعدته إلى جوانب أخرى، خدمنا من خلالها الثورة المباركة وحاضنتها التي سعينا لحمايتها ودعم صمودها، محافظين على الثوابت في كل الميادين ومواجهين للنظام وميليشياته وأذرعه. #الذكرى_الخامسة
#ريف_دمشق وصل عدد الحافلات التي تستعد للخروج من ممر الوافدين في الغوطة الشرقية لدمشق، الى 21 حافلة تقل العشرات من عناصر " #جيش_الإسلام" وعائلاتهم من مدينة #دوما، تمهيداً لنقلهم إلى #جرابلس بريف #حلب الشمالي الشرقي.
نسخ الرابط