مطبخ_جدتي_الشطوره#
قلة حبنا 😜ياااااسلام عليها في الشتا ولا ميتها الجميلة ساقعة رباني 😍زمان بابا الله يرحمه كان دايما لما ماما كانت تجبها كان يحب يبخرها بالمستكة يحط المستكة في صاج على النار ويقلب القلة عليها فالبخار المعطر بالمستكة يدخل جواها يعطرها تبقى المية بتاعتها معطرة دايما بالمستكة... يااا سلام على دي أيام كنت احب جدا اتفرج عليه وهو بيبخرها واشرب أحلى وأطعم مية معطرة بطعم المستكة♥️مين بيحب يشرب منها ❣️ #مها_القناوى #مطبخ_جدتي_الشطورة #باز_يجمعنا
من النصائح البسيطة إللي أتعلمتها من جدتي وأمي وبطبقها دايما..... سلق البطاطس 🥔🥔👍وهي لما تيجى تسلوقي البطاطس حطي عليها شويه خل..... أااه خل علشان ما تتفتتش وتتهرى وأنتى بتسلوقيها الخل هيحافظ عليها سليمة وهى بتتسلق ومش هتتفتت منك وكمان لازم لازم تقشريها وهي سخنة علشان تتقشر معاكي بسهولة وتكة مني انا بقى حاولي تشقيها بالسكينة من نص البطاطس بشكل دائري يعني بالبلدي كدا تحزميها بالسكينة بشق دائري قبل سلقها علشان لما تتسلق تشيلي القشرة بسهولة ويسوبس خلاص #مها_القناوى #مطبخ_جدتي_الشطورة
نسخ الرابط