اتعلمت درس مع الأيام اني لما ازعل مع حد معيبش فيه و اسيب باب موارب ...الدرس ده جه من مواقف كتير اتحطيت فيها لقيت ان الدنيا دواره اوي و اللي زعلانه معاه بيجي موقف و اشوفه تاني و ساعتها بلاقي فيهم المظلوم و فيهم الي شال جميلة سكوتي و احترامي للعشره و بنرجع احسن من الاول ...الفجر في الخصام اسوأ انواع الشر خصوصا بين الصحاب و المعارف ... انك تخون و تطلع سر الصديق وقت الزعل و تجيب سيرته بالوحش صدقني بتلف الايام و بيوصله .. انا كنت زمان بغلط في حق ناس لكن امي علمتني اني غلط واني لما اذكر الناس بالخير حتى لو حقيقي بيني و بينهم عداوه ده بيكسر نار الشيطان و يخلي الطرف التاني ليّن التعامل و جايز يندم على غلطه في حقي .. سامحوا بعض صدقوني الدنيا قصيره و الموت قريب لينا اوي .. ده جايز عدو اليوم هو صديق الغد وهو اللي يترحم عليك لما تقابل الي خلقك اكتر من اي حد تاني ❤️
نسخ الرابط