شاب بيحكي إن شريكة حياته بدأ عواطفه ناحيتها تقل جدًا مع إنه كان مُقبل عليها جدًا في الأول، و هي كويسة جدًا جدًا و مفيش فيها أي مشكلة، بيقول إن المشكلة فيا أنا مش فيها، و مش عارف ايه السبب، حاسس إنه بيتعامل بالعافية مع إنه مكنش كده إطلاقًا و هي بدأت تحس، فـ راح لواحد قريبه دماغه كبيرة و عالية جدًا وكان قريبه ده بيسقي الزرع بتاعه في الجنينة ساعتها ..قعد الشاب يحكي لقريبه مشكلته دي و بدأ يدور بينهم الحوار ده :الراجل قاله: بقولك ايه ؟ أنت تعرف بنات كتير ؟الشاب قال : أه .قاله : و العلاقات طبًعا فيها بعض التفتح، و الهزار و الضحك أحيانًا و بعض العواطف حتى لو مش كتير ؟فـ الشاب قال : أه حقيقي بيحصل بس عادي يعني .قاله : طيب امسك الخرطوم ده اسقي الزرع .فـ الشاب استغرب جدًا و مسك الخرطوم و بدأ يسقي الزرع .قام الراجل جاب مسمار، و بدأ يخرم الخرطوم، خرم في التاني فـ بدأت الماية تطلع من كل ناحية، قاله : هاا ايه أخبار الماية عندك ؟؟الشاب قال : الماية بتقل أواي !فـ قاله : أه علشان احنا خرمنا أخرام كتيرة، فـ الماية بقت بتطلع من حتت كتير فـ مش عارفة توصل للأخر كويس ..الشاب قام بص له كده و كأنه أتصدم و رمى الخرطوم .. فالراجل قاله : هاا فهمت ؟---احنا بنعمل كده، بنعمل اخرام في العاطفة بتاعتنا فـ بدل ما يتدفق الحب و العاطفة بتاعتنا في اتجاه واحد لشخص محدد اللي احنا عايزين نوجه له العاطفة بنعمل اخرام كتيرة( شغل ، شات، كلية .. الخ ) .." متعملش اخرام كتيرة في قدرة قلبك على العاطفة، وجهها صح، علشان تلاقيها بتدفق في اتجاه صحيح ".
نسخ الرابط