هتبدأ تنضج.. اما ماتوقفش حياتك علي خطوة، وتفضل حاططها جبل بينها وبين اي خطوة تانية بعدها.اسعي في كذا سكة واكتر من اتجاه، واللي مجاش النهارده يجي بكره، واتبسط بالموجود بكل قوتك، وماتحملش هم اللي جاي وتنسي تتبسط بيومك وتعيشه بمشاعرك كلها.. مفيش قلقان بيتبسط.. فحاول تفصل شوية، وفكك من فكرة إن فُلان عمل وانت معملتش.. ده وصل وانت موصلتش.. كل واحد وله رزقه، ومش هقولك انت ماتعرفش غيرك ممكن يكون معاه فلوس او مرتبط بس مش مبسوط!.. هقولك عادي غيرك يكون مبسوط ومتيسر حاله مش شرط يكون في غم بسبب ان ربنا رزقه بنعمة كبيرة.لكن هقولك ارضي، واعرف ان الرزق صَف، وكلنا واقفين فيه.. واكيد الدور هيجي عليك وهتُرزق بالخير.. ماحدش احسن منك وانت مش احسن من حد.. وكل واحد له رزق وهياخده حتي ولو في بطن الحوت.. أو فوق السبع سماوات.وفي السماء رزقكم ما تُوعدون.. ومادام ربنا قال حاجة يبقي خلاص.. خِلصت!، والحكاية وما فيها مسألة وقت، وصدقني: مفيش أسرع من الأيام.
تم نسخ الرابط بنجاح
نسخ الرابط