من منتدي الجمعية المصرية للتغذية الصحية و العلاجية براس البر دايما اسعي ورا المعلومة ، المعلومة مش حتجيلك لحد عمن اهم نصايحي ليكم بعد المؤتمر :١- الحالات المكممة : تحذر كتر استهلاك القهوة عشان بتزود الاعراض المزعجة بالجهاز الهضمي ( Dumping effect )٢- حالات التكميم معرضين لنقص عناصر كتير زي الحديد و الزنك و الفوليك اسيد و و سيلينيوم و فيتامين د و كالسيوم ف لازم نظام غذائي صحي و مكملات غذائية و تحاليل دورية 👌🏻٣- دكاترة البطانة و السكر ، العلاج بانسولين خارجي مش هو دايما العلاج المناسب لمرضي السكر النوع التاني ، احيانا بيبقي ضرورة و احيانا بيؤذي الحالات انه بيزود وزنهم و بيصعب فقدان الوزن ، ده دور دكاترة الباطنة و السكر اختيار العلاج المناسب للسيطرة علي السكر 👌🏻٤- مرضي السكر النوع التاني المتشخصين حديثا فقدان الوزن الزائد بطرق صحية و تغيير العادات فعلا كفيل ان يساعد في الشفاء تماما من السكر ٥- ادوية مثل الساكسندا و الاوزيمبيك و التروليسيتي لازم اشراف طبي بعضهم غير مناسب لمرضي اعتلال الشبكية و التهاب البانكرياس يعني مش بس مشكلته امراض الغدة ٦- النظام الغذائي النباتي قد يسبب نقص العناصر مثل الحديد و فيتامين ب ١٢ و لو مكنش متوازن حيسبب زيادة وزن ٧- مش اي مريض سمنة يناسبه اي رياضة ، الرياضات عالية الشدة غير مناسبة ليهم ف رجاء بلاش تمشوا ورا كلام اي حد من غير ما تسمعوا رأي العلم و تحكموا مخكم و تسمعوا صوت جسمكم 👍٨-المشروبات الحارقة مش حارقة ، مفيش مشروبات حتحرق دهون من غير تغيير جذري في اسلوب الاكل و العادات الغذائية و زيادة الحركة و شرب مياه حسب احتياجات الجسم ٩- اجهزة نحت القوام و الميزوثيرابي كلها لعلاج السمنة الموضعية ، يعني دهون متركزة في منطقة معينة مش بتنزل مهما عملنا دايت و بردو مش سحر و مش حتخسسكم زي ما انتم متخيلين ، حتختلف مقاساتكم بس مش وزنكم علي الميزان و لازم بردو دايت و زيادة الحركة و شرب مياه💦١٠ - اخيرا ، الامساك حيزودك علي الميزان و بيزود مشكلة النحافة ، لازم تتجنبه عن طريق شرب احتياجاتك من المياه متقسمة علي مدار اليوم ، خضار فريش علي ال٣ وجبات ، فاكهة خاصة القراصيا و التين ، علاج لو الامساك شديد و متكرر #محتوى_مصري #محتوى_المجتمعات #محتوانا_غير
ابني ياكل ايه قبل و بعد التمرين ؟!قبل التمرين :- لازم يكون شبعان بوجبة أساسية فيها بروتين و نشويات صحية و دهون قليلة عشان الأكل ما يبقاش مجهد للجهاز الهضمي و الوجبة دي تكون قبل التمرين يفضل ب٢-٣ ساعات -قبل التمرين بنص ساعة ممكن ياخد سناك صحي غني بالنشويات و منخفض الألياف عشان يديله طاقة في التمرين زي الفاكهة :٣-٥ تمرات موزة كبيرة نص كوب عصير مانجو طب و بعد التمرين :-حيبقي محتاج وجبة فيها بروتين و نشويات و مش دسمة عشان امتصاصها يكون أسرع و تعوض العضلات عن المجهود اللي اتبذل و يفضل تناولها خلال ٣٠ دقيقة عشان التمرين يحافظ و يزود الكتلة العضلية مش يكسرها .يعني مثلا لو جعان أوي ممكن ياكل :ساندوتش فراخ مشوية ساندوتش زبدة فول سوداني بالعسل بطاطس ويدجز مشوية و كفتة أو ممكن يكون سناك خفيف بعد التمرين :كوب لبن بالكاكاو و العسل سوداني و موزة لبن رايب و تمر #محتوى_مصري #محتوى_المجتمعات #محتوانا_غير
من فوايد المانجو الصحية : غنية بالفيتامينات والمعادن ، تساعدك علي تقليل ضغط الدم المرتفع ، غنية بمضادات الاكسدة ، لصحة الجلد و النظر و بتحسن صحة جهازك الهضمي و الوقاية من السرطان استمتع بيها بس باعتدال يعني ما يعادل مانجو وسط او كوب مانجو قطع في اليوم #محتوى_مصري #محتوى_المجتمعات #محتوانا_غير
متخافش تتعشي ! حتي لو حتاكل بس عشان فعلا جعان مش للتسلية ، وزنك مش حيزيد ….المهم مكونات وجبة العشا تبقي صحية ، اساسها بروتين زي بيض او زبادي او فول او حمص او جبن قريش او فراخ مشوية او تونة ….مع سلطة 🥗 و ممكن كمان ثمرة فاكهة 🍏….بلاش العشا يبقي طبق فاكهة كبير عشان ده يزودلك وزنك عشان كمية سكر كتيرة داخلة الجسم في مرة واحدة 👌🏻 #محتوى_مصري #محتوى_المجتمعات #محتوانا_غير
نسخ الرابط