عارف ؟ لما تدفع مبلغ قد كده لابنك في مدرسة دولية ، وتتفاجئ أن التيتشر الامريكانية بتاعت ابنك مطلعش تمنها فيها يعني ! او لما تفتح فيلم اجنبي وتلاقي الشتائم اللي بتتقال ف الشوارع م العربجية بتتقال ع لسان بنت رقيقة او يبقا فيه موقع عامل مسابقة طالب فيها فكرة تسويقية وفيه جنسيات كتير قدمت خطط ، وتلاقي الامريكي اللي فيهم خطته مش احسن واحدة اطلاقا بالعكس عادية جدا جدا ، بالمناسبة واحد زيه بيتقال عنه خبير اجنبي 😂او لما تتعامل مع واحد اجنبي ويطلع عنصري أو وقح أو حتا متحرش بيسموها عقدة الخواجة ! بس ف علم المنطق بيسموها "التوسل بالمصدر" لما حد يقولك أن فكرة أو تصرف ما هو أحسن تصرف ف الوجود لمجرد أنه طلع من المصدر الفظيع ! متفكرش ف المصدر لكن فكر ف الفكرة نفسها هل هي صحيحة ولا لأة ! لأنك ياما هتلاقي علماء بيغلطوا أو بيدلسوا عمدا كمان وبرضه هتلاقي افكار صح من مصادر غير ذات ثقة اصلا متستبعدش الغلط أو الصواب علي حد ، بالعكس استبعد مدي ثقتك من عدمها في هذا ال "حد" وانت بتسمع فكرتهثقتك من عدمها مش قاعدة ضرورية للصواب أو الخطأعشان بس متتفاجئش هاه ؟ #أنا_على_باز
إيه الفرق بين العلم الحقيقي و #العلوم_الزائفة pseudosciences ؟ العلوم الحقيقية زي علم الاجتماع وعلم النفس والعلوم الطبيعية وغيرهاالعلوم الزائفة pseudosciences زي #العلاج_بالطاقة و #الأبراج و #الطب_البديل و #البرمجة_اللغوية_العصبية و #تأثير_القمر إزاي بقا هتفرق بينهم ؟ #العلم_الزائف هو اللي صاحبه بيحاول يقنعك بيه عن طريق شوية كلام ف كلام ، يتكلم معاك بالدين الاسلامي ومع الأجانب بالدين المسيحي و يفسر النصوص بحيث تخدم غرضه هو ، يتكلم معاك بالتراث الشعبي ، يدخل لك من اقصر الطرق واقرب البوابات ، ف حين أن الكلام ده ممكن يكون جاي من الديانات الوثنية القديمة مثلا !أما #العلم_الحقيقي هو العلم اللي لما صاحبه بيحاول ينفيه عن طريق #التجربة_العلمية بتلاقي العلم أثبت نفسه ! وهنا فيه فرق بين التجربة العلمية الخاضعة لكل الشروط العلمية و بين واحد بيقولك جرب اشرب الخزعبلات دي وهتدعيلي !جرب و هتدعيلي ده بيديك انطباع مسبق أن التجربة هتنفع فبتتوهم أن اي حاجة كويسة بتحصل هيكون سببها الشئ اللي انت جربته ! في حين أنه كان كده كده هيحصل يعني 😂 او ممكن متحصلش حاجة كويسة بس انت من جواك تبقا حاسس انك مبسوط وسعيد والحقيقة انك بس تحت تأثير الوهم ، بيسموه #تأثير_الإيحاء #placebo_effect هل تعلم أن علم النفس ايام فرويد كان علم زائف ؟ لأن فرويد زمان كان بيحط تأثيرات قناعاته هو ف نظرياته العلمية ، زي مثلا ديانته اليهودية فيها الراجل احسن من الست فيبتدي يفسر كل سلوكيات الست ع انها غيرة من الراجل ، أو عشان هو تواجد في وقت الثورة الجنسية ف امريكا فيفسر كل العقد النفسية أن سببها الكبت !! لكن علم النفس حاليا تطور للوصول لتطبيق التجارب العلمية ومش هطلب منكم اللايك أو الشير لانكم أكيد هتعملوهم بنفسكم 😂 بس هطلب منكم متسلموش عقولكم للخيال مهما كان ممتع وجذاب
#عشان_مينضحكش_عليك مهم جدا انك تعرف ازاي بيتم اقناعك بحاجات غير منطقية سواء من السياسيين اوالاعلاميين أو المسوقين أو غيرهم تجاهنا (ارجو انك تفهمها لكن متستخدمهاش مع حد!) ١. زي انك تحاول تبين أفكار الآخرين الايجابية ع انها سلبية بالشكل ده :_انتخبوني عشان ازود ميزانية وزارة الصحة في بلدنا الموقر_خلوا بالكو م الراجل ده ياجماعة ده يقصد يقلل من نصيب وزارة الصناعة و وزارة البحث العلمي ف الميزانية عشان البلد تفضل متخلفة ..٢. مغالطة بارميوم دي بيعتمد عليها المروجين لتحليل الشخصية عن طريق #الأبراج و #الباراسيكولوجي و اي #علوم_زائفة لها علاقة بتحليل الشخصية (ملحوظة أن علم النفس مش من ضمنهم لأنه علم حقيقي)هنا بيتم الكلام عن صفات عامة جدا موجودة ف كل الناس ، زي مثلا لما يقولوا أن البرج ده طيب بس مبيسكتش عن حقه 😂 ...٣. بتلاقي اللي يربطلك حاجة ب حاجة تانية ملهاش علاقة ضرورية كنتيجة ! زي انك بدام بقيت شاطر ف الماث هتبقا شاطر ف كل المواد عشان الماث اصعب مادة ! ..٤. التفاؤل ، أو التشاؤم (خدعة قانون الجذب الفكري) زي اللي يقولك لو تفاءلت هتلاقي مستقبلك زي الفل ، مع أنه مش شرط ، #سوزان_مبارك مثلا ولا كانت تحلم انها تبقا السيدة الأولي بالعكس كان حلمها تكون مضيفة طيران ، والدكتور #زويل كان متفائل أنه يجيب مجموع كلية الطب ! لكن مكنش بيحلم يدخل علوم و يكون عالم مفيش منه ف التاريخبالمناسبة تفاءلوا بالخير تجدوه مش حديث صحيح وبتوع #التنمية_البشرية معتقدش بيقولوا ف صلواتهم يارب خليني مدرب تنمية بشرية زي منا مبعملش اي حاجة غير الكلام والابتسام!وبرضه التشاؤم والتوقعات السلبية مش دايما بتكون صحيحة , مش عشان شوفت قطة سودة يبقا حظك اسود خلي توقعاتك مبنية على دليل وافتكر دائما برضه انها مجرد توقعات مش اكتر ! ..٥. اللي بيقولولنا أن احنا #زمان كنا بنعمل و بنعمل وبنعمل ومكنش بيحصل حاجة يبقا احنا الصح هو اي حاجة حصلت زمان تبقا الحاجة دي صح او كويسة أو مفيدة ؟...٦. لما نقول لواحد أن #البرمجة_اللغوية_العصبية علم زائف فيقولنا أن اكيد ف المستقبل هيكتشفوا أنه مش زائف ! هل انت شوفت المستقبل اصلا ؟! ولا هنقعد نستنا المستقبل كتير ! ..٧. ماتركبي أوتوبيس زي بقية خلق الله ! هل معني أن بقية خلق الله عملوا حاجة يبقا انا لازم اعمل زيها ؟ ده اختيارهم وهيتحملوا نتيجته ، اتحمل انا نتيجة اختيارهم هما كمان بتاع ايه ؟! هاه كده أتعشت ولا .عايزين افكار تاني ؟! #أنا_علي_باز #برنامج_بالعربي
نسخ الرابط