دعاء_مكى#
قدرتكِ الفائقة: لا تنسي قوتك وقدرتك على التكيف مع التحديات. أنتِ قوية وتستحقين الاعتراف بالجهود التي تقومين بها يوميًا. #دعاء_مكي
أنا عمري ما تخيلت إن إبني يعمل كدة ..حسيتي قبل كدة إنك خايفة إن إبنك يتعلم صفة وحشة من اللي حواليه ؟حسيتي انك عايزة تبعديه عن كل الناس عشان ما يتعلمش منهم صفات وحشة أو سلوكيات غلط ؟🔴طيب ياترى هتعرفي تعملي ده ؟أكيد لأ ، لأن ساعات ده بيكون من الدايرة القريبة للأهل ..طيب والحل ؟كلمة السر فالموضوع ده هي/ 🌱عدم الخوف والوعي 🔻عدم الخوف يعني / إنك ماتخافيش بزيادة إنه يحتك بالناس ويأثروا عليه لأنه كدة كدة هيحصل ، ومش كل ما يتصرف تصرف لقطه من برة تتصرفي بصورة مبالغ فيها لأن ده بيثبت عنده السلوك الغلط أكتر وأكتر ..🔻 الوعي يعني/ إنك تزودي وعيك إزك تحافظي على القرب والعلاقة بإبنك عشان أما يشوف حاجة برة يحكيلك فتعرفي تعلميه الصح والغلط بدل ما يكون بعيد عنك ولما تيجي تنصحيه يعند معاكي أكتر وما يسمعش الكلام وتثبت عنده السلوكيات الغلط من باب العند فيكي بس ..ولا انت شايفة إيه ؟ احب أسمع رأيك #سعى_صبر_حب #دعاء_مكى
نسخ الرابط
نفسي أمسك نفسي لما بنتي تعمل حاجة غلط وما اتعصبش عليها خااالصعايزة اقولك لو ده هدفك عمرك ما تحققيه لان انت بشر مفيش بشر هيقدر يفضل هادي طول الوقت وفيه حد معاه عمال يلخبط ويغلط ويكسر ويبهدل يعني أتعصب وانفجر في بنتي ؟ طبعا لأ ، اكيد ده مش قصدي واكيد ده مش صح بس بدل ده وده ركزي على / 🌱انك تفهمي ان الأطفال طبيعي يغلطوا 🌱والاخطاء دي دليل على انهم بيكبروا وبيتطوروا 🌱وان دورك انك تدربيهم وتعلميهم الصح وتدربيها واحدة واحد على السلوك الصح ، وتمشي معاخا بالتدريج ..ساعتها هتعرفي تحافظي على ثباتك وهدوئك النفسي فترات أطول .. #دعاء_مكي
نسخ الرابط
طفلك مرايتك يعني لو بتتعصبي هيتعصب زيك لو بتخافي من حاجة قيراط هو كمان يخاف منها لو بتزعلي من حاجة معينة في تصرفاته هو كمان هيزعل منك لو اتصرفتي نفس التصرف ..بس ما تُحبطيش وتحسي ان دي حاجة وحشة ..لأن ممكن جدا تستغلي ده لصالحك وتركزي على التطوير من نفسك والتعديل في شخصيتك ، ساعتها هتلاقي إبنك بيكتسب سلوكيات صح بطريقة أسهل وأكثر فاعلية..ياترى الكلمة دي بتخوفك ولا بتشجعك؟ #دعاء_مكي
نسخ الرابط
٣ أدوات لغرس العقيدة عند اولادي / 📿 أربط كل طلب بطلبه منه بآية أو حديث مثلا /( بدل ركز كويس نقول إن الله يحب تذا عمل أحدكم عملا أن يتقنه)📿 لما يسألني ليه ياماما بتعملي كذا ، عشان ربنا أمرنا بكدة أو بيحب كدة .( ليه بننضف مثلا عشان ان الله جميل يحب الجمال ) 📿 إلزمي الذكر في كل مواقف حياتك مثلا / ( لما يصعب عليكي حاجة إلزمي الحوقلة ،أو لما تفرحي إلزمي الحمد لله )لو تعرفي أداة كمان ياريت تشاركينا في الكومنتات عشان نتعلم من بعض .. #التربية_الإيمانية #دعاء_مكى
نسخ الرابط