العياده المسكونة 2🏥قطعت مسافة و أنا مفتحة عينيا ، عينيها جت في عينيا و إبتسمتلي بشر خلي قلبي يترعش من الخوف ، فتحت عينيا مفزوعة بس كان لازم أغمض تاني و بسرعة ، عاوزة أعرف لما تقرب مني أو توصل ليّا إيه اللي هيحصل ؟لما غمضت عينيا لقيتها واقفة أدامي بالظبط و انا قاعدة علي الشيزلونج ، كانت بتبصلي من فوق و بتبتسم إبتسامتها الغريبة دي ، قلبي إتقبض و خفت جدًا ، إتنفضت من مكاني و أنا بحاول أفتكر آيات من القرآن أقراها عشان أتطمن لحد ما قلت آية الكرسي و أنا مفتحة عينيّا لما غمضت تاني المرة فضلت شايفة كل حاجة كأنها بالأبيض و الأسود برضه بس الأوضة المرة دي كانت فاضية ... تمامًا !!قلبي كان مقبوض من الأوضة دي ، قررت أخرج أمشي شوية في العيادة لحد ما الست تخلص تنضيف أو لحد ما أهدي شوية ، كنت خايفة أوي و مش فاهمة حاجة خالص !فضلت برا شوية لكن فضولي كان أقوي من كل حاجة ، حتي كان أقوي من خوفي ، فتحت باب العيادة تاني و دخلتها بالراحة ، غمضت عينيا و أنا بترعش و ببص علي الكرسي ، الكرسي كان فاضي بس للأسف الأوضة مكانتش فاضية !قدامي و علي الأرض كان فيه واحد قاعد علي الأرض ، قاعد علي إيديه و رجليه زي الضفدعة و عاوج راسه خالص و هو بيبصلي ، كان شبه الست أوي ، نفس العيون السودا ، نفس الوش اللي ملامحه مخالفة ، نفس الإبتسامة اللي من الودن للودن و نفس البق الكبير !كان بيعوج راسه جدًا لدرجة مستحيلة ، حسيت إن راسه هتتقلب ، و قبل ما أفهم ايه اللي بيحصل كان نط علي رجليه زي الضفدع و بقي قدامي ، بدأ يقف ببطء مخيف لحد ما بقي وشه قريب من وشي و إبتسامته بدأت توسع ، مقدرتش أفضل مغمضة أكتر من كده ، خرجت من الأوضة و قفلتها ورايا و أنا بقرأ كل القرآن اللي فاكراه !لما هديت و حكيت للعاملة بتاعة التنضيف قالتلي إن للأسف كان فيه حالة حرجة إمبارح و ماتت في العيادة دي ، بس محدش اشتكى إن حاجة غريبة حصلت في العيادة دي قبل كده انا بكتب لكم ده و أنا قاعدة في نفس العيادة ، خايفة أغمض بس أنا لازم أغمض و أحاول أفهم إيه اللي بيحصل انا خايفة أوي ... إدعولي #قصص_رعب_حقيقيه #قصص#قصص_رعب #رعب #الرعب
العياده المسكونة🏥أنا إسمي سمر ، دكتورة بشتغل في مجمع طبي تابع لجمعية خيرية كبيرة المجمع الطبي دا عبارة عن شقة كبيرة مكونة من 3 عيادات ، شغلي دايمًا بيبقي فترة الصبح أنا بشتغل في الجيم و العلاج الطبيعي عشان كده أوضتي أكبر أوضة بحكم وجود الآلات و الأجهزة الطبية و الرياضية فيها متعودة لما عاملة النضافة تيجي تنضف الأوضة بتاعتي بخرج أقعد مؤقتًا في أي عيادة من التانيين لحد ما هي تخلص تنضيف في يوم كنت مرهقة جدًا و تعبانة أوي و سمعت صوت خبط علي الباب ، ندهت علي اللي برا و قلتله يدخل ، عاملة النضافة دخلت الأوضة و إستأذنتني إنها هتنضف و بحكم العادة خرجت من الأوضة و دخلت عيادة من الإتنين التانيين كنت تعبانة جدًا فريحت جسمي علي الشيزلونج بتاع العيادة و غمضت عينيا و قلت أرتاح شوية بس اللي شفته خلاني مش مرتاحة !و أنا مغمضة عينيا كنت شايفة كل حاجة في العيادة كأنها بالأبيض و الأسود أو بالإكس راي ، فتحت عينيا بسرعة ، مكنتش فاهمة إيه اللي بيحصل قلت لنفسي أكيد اللي أنا شفته ده كان من الإرهاق ، دعكت عينيا كويس أوي و غمضت عينيا بخوف لكن مفيش حاجة إتغيرت خالص !كنت شايفة كل حاجة في العيادة ، كل التفاصيل كأني مفتحة عينيّا ، بس كل حاجة أبيض و أسود ، بدأت أتفرج علي العيادة بالراحة و أنا مغمضة ، مش فاهمة إيه اللي بيحصل لحد ما وصلت بعيني عند كرسي قديم محطوط في ركن الأوضة ، لقيت قاعد عليه واحدة ست لابسة أسود ، من المفاجأة مركزتش في ملامحها ، فتحت عينيا و أنا بشهق بسرعة كنت باصة علي الكرسي بس أدام عينيا كان الكرسي فاضي تمامًا !غمضت عينيا تاني و أنا خايفة ، كنت بترعش من الرعب ، قدام عينيا كانت لسه قاعدة علي الكرسي ، علي راسها حاجة سودا شبه العباية و لما ركزت في ملامحها خفت أكترعينيها سودا تمامًا و برغم كده حساها بتلمع ، كانت باصة ناحيتي كويس و كأنها عارفة إني شايفاها ، ملامحها كانت مخيفة لكن أكتر حاجة مرعبة كانت إبتسامتها ، بقها كان كبير ، واصل من الودن للودن تقريبًا و إبتسامتها خوفتني أوي ، فجأة قامت وقفت و بدأت تقرب مني ببطء من الخوف فتحت عينيا بسرعة ، كنت بتنفس بصعوبة ، لما فتحت عينيا كانت الأوضة فاضية تمامًا ، كنت خايفة أغمض عينيا تاني بس أنا مش ناسية إنها كانت بتقرب مني ، لازم أغمض عينيا عشان أشوف إيه اللي بيحصل !و غمضت عينيا تاني !!كانت قربت مني أوي #قصص_رعب_حقيقيه #قصص#قصص_رعب #رعب #الرعب
نسخ الرابط
العوده بعد الموت 3⚰️-- طيب انا هكتبلك شوية مهدأت وبلاش تروح البيت .. عايزك تطمن وتبقي ريلاكس .. وعايز نمرة تليفونك عشان اطمن عليك وتجيلي الاسبوع الجي .. وصدقني كل شيء هيعدي ..القصة كانت بنسبة ليا مرعبة ، بس كنت ديما بقول ان قصص بتخلها المرضي .. كنت بسال نفسي عن تفسير النمرة ال سمعت صوت نفسها .. بس حولت اتجاهل ده ، ومشوفتش حمزة الاسبوع ال بعده ولا ال بعده!! لدرجة اني نسيته! .. والاسبوع ال فات بس جه في بالي وافتكرت الجلسة دي وال مر عليها اكتر من شهرين! فرنيت عليه -- الو مساء الخير استاذ حمزة موجود لقيت صوت سيدة بتنهمر في البكاء وبتقولي -- حمزة مـات يابني من اسبوع! ..- لا اله الا الله .. البقاء لله ياامي!! ..مش عـارف ليه موته خلاني احس بصدمة ومفرقش خيالي قصته طول اليوم اثناء شغلي .. محولتش حتي اسال امه هو مات ازاي .. بس في اخر الليل عملت حاجة مجنونة .. لقيت نفسي بقلب في الموبايل وبنزل في السجل لشهرين فاتو .. ووصلت للنمرة ال رن بموبايلي عليها! .. نمرة فرح .. اخدت نفس عميق وانا متاكد اني مش هسمح حاجة .. واتصلت ادااني جرس استمر ل ١٠ ثواني تقريبا وبعدها رد حد قولت !!-- الو كـان في صوت نفس واضح!!..- الو .. مين معايا!.صوت نفس - ياريت لو بتسمعني تجاوب ؟-- دكتور ماجد حمزة جمبي لو عايز تكلمه!! ..الموبايل وقع مني.. كان صوت انوثي بس غليظ!! .. كنت سامع الضحكة والتليفون علي الارض مسكت التليفون بهدوء وقفلت الاتصال .. انـا بحكي قصتي دلوقتي ، عشان كل يوم في منتصف الليل بيجيلي اتصال من نفس النمـرة! ولاول مرة اخـاف من قصة مريض ..-------------------------اتمني تعجبكوا ولو عجبتك متنساش الايك وكومنت دعمك بيخليني اكمل ❤️ #قصص_رعب_حقيقيه #قصص#قصص_رعب #رعب #الرعب
نسخ الرابط
العوده بعد الموت 2⚰️فضل ساكت لوقت طويل وبعدها طلع علبة سجايره وولع ومن غير ميبص في عيني قال - امي شافتها .. شافتها وهي بتروق الاوضة بعد اسبوع واحد من وافتها ساعتها مكنتش قادر ادخل البيت، فأمي اتولت تنضيف الشقة ! .. بس بعدها دخلت في غيبوبة يومين، ولما فاقت كانت بتقول حاجة واحدة .. انا شوفت فرح قاعدة علي السرير!!.. امي من النوع ال مبتعرفش تصطنع قصص ولا بتعرف تمثل! .. وال حالة ال كانت فيها دخلتني في شك.. وعشان كده مع اول يوم دخلت في البيت ! كنت حاسس ان الموضوع مانتهااش بموتها؟..-- لا لا ثواني ياحمزة .. موضوع ايه ال منتهاش .. وعايزك تعرف ان كل كلمة بتقولها اعتبرها مش مسموعة ، الدكتور هنا سر المريض .. ولازم تعرف اني عايز اساعدك! .. كان متوتر وباين عليه القلق بس اتكلم -- انا وفرح مش بنخـلف وعشان كده .. لجئنا لراجل عراف، حماتي كانت بعتاه ..كان بيدينا اعشاب و ..هــــه اتنهد وبعدها كمل كلامه - اعشـاب وطقوس لازم نعملها قبل منـام وحقيقي مش عايز افتكر بس كان كلام العراف ده بالحرف لازم نعمله مش عارف عقلي كـان فين! .. بس ال عملته كان شيء غبي .. لحد ميئست ومكنش جايب نتيجة .. بس مع اليئس ده! لقيت ان فرح بقيت غربية ، جسمها بقي هزيل وبنيتها ضعفت مش بس كده كان ديما الاقي علي جسدها اثار لضرب وجروح ؟ ..كوابيس اكتر كانت بتمر بيها في اخر ايامها.. مش بس كده دي كانت رافضة حتي الجلوس معايا! كانت كرهاني وبتقولي إن شيفاني قبيح المنظر ، ديما كانت بتقولي انت مسـخ!! حكيت لامي كل حاجة ، لقيتها بتقولي -- ال عملته ده كفر ياحمزة!! كفرر!! .. وبمجرد مرجعنا البيت كانت فرح ميته!! .. كانت ميته موته بشعة!!.. مش حابب اقولها! ..-- اممم طيب ودلوقتي مثلا بتحس انها موجودة معاك ؟..--هوريك حاجة علي الطبيعة جربتها اكتر من مرة ونفعت!!..ممكن موبايلك ؟ ..اديته الموبايل .. لقيته بيتصل برقم!! .. وفتح الاسبيكر ، وبمجرد مرن الخط فتح!! .. بس كان صوت حد بيتنفس!! .. حمزة كان بيبصلي وهو مبتسم.. وبيقول وهو بينهج-- شوفت .. شوفت انا .. انا مش مجنون!! انت سامع ، دي نمرتها ، تليفونها في الاوضة؟ .. طيب ازاي ردت!..لاول مرة التوتر يمكسني مع مريض وعشان كده قولت- مش ممكن يكون الخط بتاعها اتاخد لشخص تاني ضحك بهيستريا وقالي -- لا .. ده صوت نفسها!! تبرييرات العقل كلها استنذفت طاقتها معايا وإلا مكنتش جيت هنا! انا جي هنا .. عشان اتاكد اني مش مجنون!. ولنتفترض حتي إن النمرة بتاعتها اتاخدت في ٣ شهور بس؟ مش ال هيرد عليا! هيقولي الو مين معايا ؟.. طيب عارف اول مرة انا جربت الحكاية دي امتي ؟ .. من شهر ! .. قولت اتصل .. مع اني خايف ، خايف ترد عليا !! حسيت بقشعريرة وانا سامع نغمة التليفون ، طالعة من اوضتها .. بس متوقعتش ابدا انها ممكن ترد عليا!! .. ردت لا وكمان ضحكت!! وقالت -- وحشتني ياحمزة .. مش هتجيلي قريب ؟؟...رميت التليفون وسيبت الشقة وجريت !!.. اما امبارح وانا راجع من شغلي .. نور اوضتها كان منور.. كنت شايف خيالها بيروح ويجي جوا الاوضة ، صدقني لو كنت بمتلك الشجاعة كنت دخلت! بس انا صورت فيديو تقدر تشوفه ..فتح موبايله ووراني فعلا فيديو! الفيديو كان لغرفة نوم النور بتاعها منور بس مفيش اي خيال في الحقيقة ، او يمكن عشان هو مصور من بعيد ، بس تقريبا يعني في صوت ضحكة او حد بيكـح! موحولتش حتي اساله بس كان سؤالي -- طيب ليه يااستاذ حمزة متسيبش الشقة ؟..ضحك تاني وقال -- انا جي هنا عشان بقالي اسبوع برا البيت ، وده اسواء اسبوع يمر عليا نمرتها بترن عليا! .. ومن العقل اني اتجاهل ، بقيت اشوفها .. اشوفها في شغلي ، وفي الشارع لدرجة اني الحيوانات بقيت تكلمني .. بقوا ليا ارجع البيت فرح مستنياك ، القطط والكلاب !!.. وعشان كده انا هنا.. ولو كنت قولتلك كده من البداية .. إن القطط والكلاب بتكلمني .. مكنتش هتصدقني!! #قصص_رعب_حقيقيه #قصص#قصص_رعب #رعب #الرعب
نسخ الرابط
العوده بعد الموت⚰️اسمي دكتور ماجد. دكتور امراض نفسيه-- ها يافاروق في حد برا ؟..- بص يادكتور ماجد هو في حاجة غريبة ، في شخص بقالو ٤ ايام بيجي ويحجز ويمشي علي طول!، ديما متردد ومبيطولش في الانتظار .. الغريب إنه جه من شوية ودي اول مرة يطول فيها! ، ااا... لو حضرتك طبعا مشغول اقدر اقوله يجي الاسبوع الجي ..-- لا لا يافاروق دخله حالا ..ولعت سجارتي واستنيته علي مكتبي ، كتيـر من المرضي النفسيين بيقوا مترددين ومش حابين ياخدوا الخطوة دي ، وعشان كده استنيت لان علي حسب كلام فاروق إنه قعد ، وعلي حسب معرفتي إنه في حالة صراع مع نفسه ولو انا مشيت معتقدتش إنه هيجبر نفسه انه يجي تاني , دخل عليا اثناء مانا بولع كان شاب اسمر في منتصف الثلاثين تقريبا! .. كان واضح عليه التوتر قعد بدون اي كلمة ، اتكلمت وقولت -- مساء الخير منور المكان ابتسم وهز راسه وقال- مساء النور ، ااا .. انا سمعت كتير عن حضرتك وعشان كده انا هنا ..- طيب ده شيء كويس وبمناسبة انك جيت .. انا عايز بلاش تفتكر نفسك في جلسـات علاج ، انا عايزك تعتبرني صديق! صديق بتحكيله مشاكلك وهو بيسمعك مش اكتر ولا اقل .. اتنهـد وبصلي وقال -- في الحقيقة مش عارف هقدر اقولك كل حاجة ولا لا .. بس انا مش مجنون! و انا جي هنا ..قطعته ومخلتهوش يكمل - بص انا لحد دلوقتي معرفش اسمك ، بس مش معني انك روحت لدكتور نفسي تبقي مجنون! دي فكرة غلط وزي مقولتلك اعتبرني صديق!! .. الاول اسمك ايه ؟-- انا اسمي حمزة .. حمزة عبدالحى! ..- اسم جميل .. تقدر تقولي بقي ياحمزة انت هنا ليه ..!بلع ريقه وفضل يتلفت حوليه كتير وبعدين اتكلم --انـا متلخبط مش عارف ابدا منين ..- ابدا من اي جزء انت تحبه ياحمزة ..- مراتي اتوفت من ٣ شهور .. بس لسه محتفظ بكل حاجة خاصة بيها! لسه مش بفتح الاوضة ال ماتت فيها.. ساعات بنادي عليها في الشقة من كتر ماهي وحشاني بس بخاف .. بخاف ترد عليا ..! لسه نمرتها اول نمرة في جهة الاتصال بتاعتي! ..سكت .. ومتكلمش ، وعشان كده اتكلمت انا وقولت !!- بص يااستاذ حمزة مدام انت هنا تعرف انك ماشي صح .. بس انا عندي سؤال ايه السبب ال خلاك فعلا متاكد انك محتاج دكتور تتكلم معاه! .بصلي بعمق وقال - الموضوع بدا من شهر تقريبا ، لمـا رجعت البيت ولقيت باب اوضتها مفتوح! .. باب اوضتها بيطل علي باب الشارع ، وعشان كده كانت اول حاجة تلاحظها عيني إن باب اوضتها مفتوح ..! كانت اول مرة احس بالخوف!.. لاني متاكد انها من ساعة ماتوفت مقربتش علي باب اوضتها، اترددت حتي اخش البيت من شدة خوفي ، بس اقنعت عقلي إن النهاردة الجمعة وامي بتيجي في اليوم ده واكيد نضفت البيت وفتحت باب اوضتها ، تفسير مش عقلاني .. تعرف ليه ؟ .. لان امي هي ال قافلة باب الاوضة دي بنفسها .. امي ال محذرة عليا مفتحش اوضة مراتي مش بس كده .. دي بتتحايل عليا اني امشي من البيت وبتيجي بيتي مغصوبة! فالاكيد مش هي ..! بس حتي محولتش اتاكد واتصل بيها .. لا ده انا اقنعت عقلي إن دي الحقيقة ..!- طيب ممكن اسالك سؤال ؟ ليه اصلا قافل باب اوضتها..لقيته بصلي وزعق فيـا وقال -- مش عايز اتكلم في الموضوع ده!! ... انا اسف انـا اسف!! بس خليني احكيلك، احيانا كتير بسمع نغمة تليفونها جيا من اوضتها!.. مع ان كل الناس عارفة ان فرح ماتت! ..عارف الاغرب إن النغمة مبتكلمش ١٠ ثواني .. بيبقوا اصعب ١٠ ثواني بيمروا عليا.. فف في مرة حولت اشوف ايه ال بيحصل بعد ال ١٠ ثواني دول ، موبايلها رن ! .. فضلت واقف علي باب اوضتها واتصنت.. بس يارتني معملت كده! .. انا سمعت صوت ضحكة من جوا ! كانت ضحكتها.. ساعتها خرجت من الشقة ومبيتش في البيت .. روحت لامي وحاكتلها وال قالت ..-- ياحمزة .. ياحمزة يابني انا مشوار بيتك ده تقيل علي قلبي بعد ال شوفته!! .. وانت مش مصدق إن بيتك محتاج شيوخ يقروا في .. ال عملتوا انت وفرح كان غلط من الاول وربنا يغفر لها ، بس بردو بيع البيت .. او حتي اجره! - بقولك ايه ؟ انا مش كل ماجيلك تأنـبي فيا انا مش ناقص يامى صدقني مش ناقص! .. متخلنيش مجيش هنا تاني او محكلكيش ال جوايا! ..انتي ال وحيدة ال هتفهي .. #قصص_رعب_حقيقيه #قصص#قصص_رعب #رعب #الرعب
نسخ الرابط